توركيا: پێشمه‌رگه هه‌ڤپه‌يمانێن مه نه و بێ به‌رامبه‌ر دێ چاره‌سه‌ريا وان كه‌ين
ئه‌ڤرۆ نيوز:
وه‌زاره‌تا ده‌رڤه يا توركيا هێزێن پێشمه‌رگێ كوردستانێ ب هه‌ڤپه‌يمان دنياسيت و راگه‌هاندنه‌كێ د وێ ده‌ربارێ دا به‌لاڤ دكه‌ت.
رۆژا ئێكشه‌مبى رێكه‌فتى 25ى ئيلۆنا 2016ێ وه‌زاره‌تا ده‌رڤه يا توركيا راگه‌هاندنه‌ك به‌لاڤكر و تێدا راگه‌هاند كو توركيا دێ هه‌موو وان خه‌رجيێن چاره‌سه‌ريا ئه‌و پێشمه‌رگێن بريندار ب ستوويێ خوه ڤه گريت.
د راگه‌هاندنێ دا وه‌زاره‌تا ده‌رڤه يا توركيا پێشمه‌رگه‌ى وه‌كو هه‌ڤيه‌پمانێن وه‌لاتێ خوه د شه‌رێ دژى داعش دا دده‌ته نياسين و راگه‌هانديه كو ژ به‌ر كو وه‌لاتێ وان دژى داعشه، دێ هاريكاريا هه‌موو ئه‌وان لايه‌نان كه‌ت يێن شه‌رى دژى داعش دكه‌ن و دڤێت ئارامى بۆ رۆژهه‌لاتا ناڤه‌راست ڤه‌گه‌ريت.
هه‌يڤا بۆرى 61 پێشمه‌رگه ل شه‌رێ داعش بريندار ببوون و پشتى وه‌رگرتنا چاره‌سه‌ريا پێدڤى ل نه‌خۆشخانێن هه‌رێما كوردستانێ، ل رۆژا 22ى ئيلۆنا ئه‌ڤ ساله ب فرۆكێ ره‌وانه‌ى وه‌لاتێ توركيا كربوون ب مه‌ره‌ما وه‌رگرتنا چاره‌سه‌ريا پێدڤى.