توركيا بنگه‌هێن په‌كه‌كێ ل جهێن جودا يێن هه‌رێما كوردستانێ بۆردۆمانكرن
ئه‌ڤرۆ نيوز، فاتما مزوورى:
فرۆكێن له‌شكرى يێن توركيا بنگه‌هێن په‌كه‌كێ يێن ل باشوورێ كوردستانێ ل قه‌نديل، خواكۆرك، ئاڤاشين و باسيانێ بۆمبه‌بارانكرن.
ئۆپه‌راسيۆنێن ئه‌سمانى يێن له‌شكرێ توركيا يێن ل دژى بنگه‌هێن په‌كه‌كێ يێن ل ناڤ سنۆرێ باشوورێ كوردستانێ و عيراقێ ئه‌ڤه چه‌ند رۆژن به‌رده‌وام دهێنه بۆردۆمانكرن.
ده‌رباره‌ى ئۆپه‌راسيۆنا ئه‌ڤرۆ سه‌رۆك ئه‌ركانيا توركيا راگه‌هاند كو فرۆكێن وان يێن شه‌رى بنگه‌هێن په‌كه‌كێ يێن ل قه‌نديل، خواكورك، ئاڤاشين وباسيانێ بۆردۆمانكرن و د ئه‌نجامێ وان بۆردۆمانان دا 12 بنگه‌هێن په‌كه‌كێ تێك داينه.
سه‌رۆك ئه‌ركيانيا توركيا ته‌كه‌ز ل وێ چه‌ندێ كر كو دێ شه‌رێ وان ل دژى په‌كه‌كێ يێ به‌رده‌وام بيت.
هه‌تا نها په‌كه‌كێ د ده‌باره‌ى ئۆپه‌راسيۆنا دووماهيێ دا چو داخۆيانى به‌لاڤ نه‌كرينه، د چه‌ند رۆژێن ده‌رباز بووين دا، به‌رپرسێن توركيا ل گه‌ل نێزيكبوونا ده‌مێ هه‌لبژارتنان گه‌فێن خوه ب ئه‌نجامدانا هێرشا ل سه‌ر قه‌نديل، شنگال و كه‌مپا مه‌خمۆر زێده كرينه.
