توركيا دێ غازا سرۆشتى ژ ئسرائيل كريت
ئه‌ڤرۆ نيوز:
توركيا و ئسرائيل كار ژ بوو ئاسايكرنا په‌يوه‌نديێن خوه دكه‌ن و ئه‌نقه‌ره ژى دێ غازا سرۆشتى ژێ كريت، به‌رپرسه‌كێ ئسرائيل ژى دبێژيت: “د ئاماده‌ينه قه‌ره‌بوويا قوربانيێن گه‌شتا ئازاديێ بكه‌ين”.
به‌رپرسه‌كێ ئسرائيلى راگه‌هاند: د چارچۆڤێ كۆمبوونا نهێنى يا ل سويسرا ب رێڤه‌چووى، نوونه‌رێن توركيا و ئسرائيل گه‌هشتنه لێك تێگه‌هشتنه‌كێ ل سه‌ر ئاسايكرنا په‌يوه‌نديێن خوه كو ل سالا 2010ێ ئالۆزى كه‌فتبوويێ.
ب گۆتنا وى به‌رپرسێ ئسرائيلى ئاماده‌يا خوه ده‌ربڕيه قه‌ره‌بوويا قوربانيێن روودانا گه‌شتيا ئازاديێ كو ل سالا 2010ێ ژ لايێ هێزێن وه‌لاتێ وان ڤه ل ده‌ريا مه‌رمه‌ر هاتبوو په‌لاماردان ژ ئه‌گه‌رێ وێ چه‌ندێ ژماره‌كا وه‌لاتيێن تورك هاتبوونه كوشتن.
ئاماژه ب وێ چه‌ندێ ژى كر كو د به‌رامبه‌ر وێ ئاماده‌يا حوكمه‌تا تل ئه‌بيب، توركيا ژى دێ غازا سرۆشتى ژ ئسرائيل كريت وه‌كو شوونگره‌ك بۆ بازارێ رۆسيا.
