توركيا سيده‌كان بۆردۆمان كر

ئه‌ڤرۆ نيوز:

ب به‌هانه‌يا هه‌بوونا بنگه‌هـ و باره‌گايێن په‌كه‌كێ، له‌شكرێ توركيا ده‌ڤه‌رێن سنورى يێن سيده‌كان بۆردۆمانكرن.

ئيحسان چه‌له‌بى، رێڤه‌به‌رێ ناحيا سيده‌كان بۆ ئه‌ڤرۆ نيوز گۆت: “دوهى 28ى ته‌باخا 2018ێ تۆپخانێن له‌شكرێ توركيا ب به‌هانه‌يا هه‌بوونا بنگه‌هـ و باره‌گايێن په‌كه‌كێ ده‌ڤه‌رێن سنورى يێن گۆندێن هه‌لكێرا، به‌له‌ سه‌نان، ناڤ مێرگان و چيايێ دێلى بێن سنورێ ناحيا سيده‌كان بۆردۆمان كرن”.

زێده‌تر گۆت: “د ئه‌نجامێ وێ بۆردۆمانێ دا، خه‌لكێ ده‌ڤه‌رێ گه‌له‌ك ترسيايه‌ و ژماره‌كا ئاژه‌لێن خه‌لكێ گۆندێ به‌له‌ سه‌نانێ ب به‌ر تۆپبارانێ كه‌فتينه‌ و مرار بووينه‌، زيانێن مه‌زن ژى گه‌هشتينه‌ وان”.

کۆمێنتا تە