توركيا: دژى ريفراندۆمێينه
ئه‌ڤرۆ نيوز:
وه‌زاره‌تا ده‌رڤه يا توركيا راگه‌هاند كو ئه‌و نه ل گه‌ل ريفراندۆمێ نه ل هه‌رێما كوردستانێ و گۆت: “ئه‌م دژى ريفراندۆما سه‌ربه‌خۆيێ نه بۆ ئيدارا هه‌رێما باكوورێ عيراقێ”.
حسێن موفتۆئۆغلۆ، ئاخفتنكه‌رێ وه‌زارتێ ئاماژه ب وێ چه‌ندێ كر كو ميديايێن “ئيدارا هه‌رێما باكوورێ عيراقێ” داخۆيانيه‌ك به‌لاڤكريه كو مه‌ولود چاوش ئۆغلۆ، وه‌زيرێ ژ ده‌رڤه، ب مه‌رج، سه‌ربه‌خۆيا هه‌رێما كوردستانێ قه‌بوولكريه، به‌لێ ئه‌و چه‌ند يا دووره ژ راستيێ.
د وێ روونكرنێ دا هاتيه، ئێكگرتيا سياسى يا ئاخا عيراقێ، سياسه‌ته‌كا نه‌گۆر يا توركيايه، “بێ دودلى، دژى بڕيارا ئه‌نجامدانا ريفراندۆما سه‌ربه‌خۆيا هه‌رێما كوردستانێ ينه چونكو گۆڕانكاريه‌ك د هه‌لويستێ مه دا نينه”.
