توركيا هوشداريێ دده‌ته عيراقێ
ئه‌ڤرۆنيوز:
جڤاتا ئاسايشا نه‌ته‌وى يا توركى گه‌فان ل عيراقێ دكه‌ت ورادگه‌هينيت، پێدڤيه عيراق رێگريێ ل چالاكيێن پارتيا كاركه‌رێن كوردستانێ (په‌كه‌كێ) بگريت.
شه‌ڤا بۆرى، جڤاتا ئاسايشا نه‌ته‌وى يا توركى ب سه‌رۆكاتيا ره‌جه‌ب ته‌يب ئه‌ردۆگان سه‌رۆك كۆمارێ توركيا كۆمبوو وبه‌حس ره‌وشا ناڤخوه‌يى يا توركيا وده‌ڤه‌رێ كر.
جڤاتا ناڤبرى دبه‌ياننامه‌ك به‌لاڤكر وتێدا هوشدارى دا عيراقێ هه‌كه رێگريێ ل چالاكيێن په‌كه‌كێ نه‌كه‌ت، دێ توركيا ئۆپه‌راسيۆنێن له‌شكرى ل قه‌نديلى وشنگالێ دژى په‌كه‌كێ ئه‌نجامده‌ت.
رۆژناما (العربى الجديد) ژزارێ ژێده‌رێن خوه به‌لاڤكر، ئێك ژ كارتێن فشارێ يێن توركيا دژى عيراقێ، گرتنا ئاڤا رووبارێ ديجله وفوراتى يه كو عيراق ب شێوه‌كێ به‌رچاڤ بۆ ئاژه‌لداريێ وچاندنێ پشت به‌ستنێ ل سه‌ر ئاڤا وان هه‌ردو رووباران دكه‌ت.