توركيا: هێرشكه‌ران خوه د ناڤ خه‌لكێ ئاساى دا ڤه‌شارت بوو
ئه‌ڤرۆ نيوز:
سه‌رۆكێ فه‌رماهه‌نگا په‌يوه‌نديان ل سه‌رۆكاتيا كۆماريا توركيا ده‌رباره‌ى هێرشكرنه سه‌ر بنگه‌هه‌كێ له‌شكرى يێ سۆپايێ توركيا ل پارێزگه‌ها دهۆكێ، راگه‌هاند كو هێرشكاران خوه د ناڤ خه‌لكێ سڤيل دا ڤه‌شارت بوو و بزاڤ كربوو ناڤبه‌را له‌شكرێ توركيا و خوه‌جهێن ده‌ڤه‌رێ تێك بده‌ن.
پرۆفیسۆر د. فەخرەددین ئاڵتوون، سەرۆکێ فەرمانگەها پەیوەندیێن سەرۆکاتيا کۆماری يا تورکیا، راگه‌هاند كو ژ ئه‌گه‌رێ كارێن تێكدانێ ل ده‌ڤه‌رێ چو زيانێن گيانى ب وان نه‌گه‌هشتينه، ب تنێ زيان ب چه‌ند كه‌لوپه‌لان كه‌فتينه.
پرۆفیسۆر د. فەخرەددین ئاڵتوون ئاشكه‌را كر كو توركيا ب مه‌ره‌ما رێگريكرن ل زيانێن گيانى يێن خه‌لكێ سڤيل، ل ده‌وروبه‌رێن بنگه‌هێن له‌شكرى رێيێن پێدڤى گرتينه به‌ر.
دا زانين ژى كو ئه‌وان ئه‌و چه‌ند تێبينى كريه كو “تيرۆرستێن په‌كه‌كێ” د رێيا تۆڕێن جڤاكى و رێيێن دى دا چالاكى و پێزانين به‌لاڤ كرينه و پێزانينێن خه‌له‌ت د ڤێ ده‌ربارێ دا ئه‌نجام داينه. “داخوازێ ژ گشت راگه‌هاندنكاران دكه‌م كو ئاگه‌هدارى ڤێ كريارا ئه‌وێ رێكخراوێ ببن. ل بيرا مه‌يه كو تيرۆرستێن په‌كه‌كێ پێشتر هه‌مان ته‌كتيك بكارئينايه”.
سەرۆکێ فەرمانگەها پەیوەندیێن سەرۆکاتيا کۆماری يا تورکیا ئاماژه ب وێ چه‌ندێ ژى كر كو توركيا يا پێداگيره ل سه‌ر وێ چه‌ندێ كو ئه‌و دێ درێژيێ ب هه‌ماهه‌نگيا خوه ل گه‌ل خوه‌جهێن دهۆكێ ده‌ت و ئه‌وا ژ ده‌ستێ وان بهێت دێ كه‌ن بۆ رێگريكرن ل زيانێن گيانى يێن خه‌لكێ سڤيل ل ده‌ڤه‌رێ”.
