توركيا و ئه‌مريكا يێ بزاڤێن ده‌رخستنا يه‌په‌گێ ژ منبجێ دكه‌ن
ئه‌ڤرۆ نيوز، فاتما مزوورى:
توركيا و ئه‌مريكا هه‌ردو وه‌لاتێن كو ل سه‌ر سوريا هه‌لويستێن جودا هه‌نه، ئه‌ڤه هه‌يامه‌كه ل سه‌ر منبحێ يا كو نوكه د بن ده‌سته‌لاتا هێزێن سوريا ديموكرات “هه‌ده‌سێ” ب سه‌رپه‌رشتيا يه‌كينێن پاراستنا گه‌ل “يه‌په‌گێ” دا پێكڤه د روونن.
د ڤان هه‌ڤديتنان دا رێكه‌فتنه‌ك ده‌رباره‌ى منبجێ هاتيه ئاماده‌كرن. ب گۆره‌ى بسپۆرێن توركيا ئه‌ڤ رێكه‌فتنه ژ سێ قووناغان پێك دهێت و دێ ل واشنتۆن هێته ئيمزاكرن، به‌لێ ب گۆره‌ى كه‌سانێن ئه‌كاديمى ئه‌ڤ رێكه‌فتنه دێ كارتێكرنێ ل سه‌ر هه‌ڤسه‌نگيا هێزێ كه‌ت.
منبج هه‌رێمه‌كا سوريا يه و ژ يێ يه‌په‌گێ ب سه‌رپه‌رشتيا ئه‌مريكا ڤه دهێته برێڤه‌برن، هه‌يامه‌كا درێژه هه‌ڤديتن ل سه‌ر وێ هه‌رێمێ د ناڤبه‌را ئه‌مريكا توركيا دا دهێنه كرن و دهێته گۆتن كو ده‌ما شانده‌كێ ئه‌مريكا سه‌ره‌دانا ئه‌نقه‌ره كرى و ل گه‌ل رايه‌دارێن توركيا كۆم بووين ره‌نگه رێكه‌فتنه‌ك هاتيه كرن كو ب ده‌رێخستنا يه‌په‌گێ ژ منبجێ ب دووماهى دهێت، هه‌ر چه‌نده هند ده‌نگوباس ل سه‌ر ڤى بابه‌تى نه‌هاتبوونه به‌لاڤكرن، به‌لێ دهێته پێشبينيكرن كو دێ ب سێ قووناغان هێته بجهئينان، به‌لێ هێزێن يه‌په‌گێ دده‌نه دياركرن كو چو تشته‌كێ وه‌سان نه‌هاتيه كرن و ئه‌و ژ منبجێ ده‌رناكه‌ڤن.
ب گۆره‌ى بسپۆرێن توركيا رێكه‌فتنا د ناڤبه‌را ئه‌نقه‌ره و واشنتۆن دا، دێ هه‌ڤديتنه‌ك ل واشنتۆن هێته ئه‌نجام دان و خالێن وێ پێنگاڤ ب پێنگاڤ هێنه بجهئينان.
بسپۆرێ رۆژهه‌لاتا ناڤين، نور يه‌شليۆرت د ڤێ ده‌ربارێ دا دبێژيت: “ئه‌ڤ په‌يمانا كو ئه‌مريكا ل گۆره‌ى به‌رژه‌وه‌نديێن خوه ل گه‌ل هه‌رێمێ ل گه‌ل توركيا كريه، دێ د ناڤا 30 رۆژان دا چه‌كدارێن يه‌په‌گێ ژ منبجێ ڤه‌كێشن”.
زێده‌تر دبێژيت: “د قووناغا دويێ دا، پشتى هه‌ڤديتنێن چارى خزيرانێ د ناڤ 45 رۆژان دا، دێ له‌شكر و سالوخگه‌رێن توركيا و ئه‌مريكا ب ميكانزمه‌كا وه‌كهه‌ڤ ئاسايشا هه‌رێمێ پێك ئينن”.
دا زانين ژى كو د قووناغا سيێ ژى دا، د 60 رۆژان دا، د ناڤا پێكهاتيێن منبجێ دێ رێڤه‌به‌ريه‌ك هێته دانان، جڤاتا له‌شكرى و جڤاتا هه‌رێمێ دێ ب گۆره‌ى رێژا ئاكنجيان هێته دانان.
د ناڤبه‌را ئە‌نقه‌ره و واشینتۆن دا ب زه‌لالبوونا ناڤه‌رۆكا ڤێ رێكه‌فتنێ ئێك ژ مژارێن كو دهێته مه‌ره‌قكرن ئەوه كو ئەڤ رێكه‌فتنه دێ باندۆره‌كا چاوان ل سه‌ر هه‌ڤسه‌نگیا هه‌رێمێ كه‌ت.
ئه‌كاديمى نه‌زر ئاكيه‌شلمه‌ن دبێژيت: “هه‌لبه‌ت ل هه‌رێمێ ئە‌مه‌ریكا ل گۆره‌ی به‌رژه‌وه‌ندیێن خوه دگه‌ريت، له‌ورا هه‌كه ب گۆره‌ی به‌رژه‌وه‌ندیێن ئە‌مه‌ریكا بيت دێ يه‌په‌گێ ژی ژ هه‌رێمێ ده‌رێخیت”.
ژ لايه‌كێ دى گۆتنێن چاويشئوغلۆ ئێك لا هه‌يه، وه‌زاره‌تا كارێن ده‌رڤه يا ئه‌مريكا گۆت: “هێشتا چو رێكه‌فتن نه‌هاتينه پێكئينان، ژ به‌ر ڤێ ئێكێ چو راستى بۆ گۆتنێن چاويشئۆغلۆ نينه بێى كو ئه‌مريكا بێژيت رێكه‌فتنه‌ك يا هه‌ى، به‌لێ راستيه‌كا دژى هه‌يه، توركيا ل هه‌رێما چه‌ند دچيت، نێزيكى ئيران و رۆسيا دبيت و ئه‌مريكا ژ ڤێ چه‌ندێ نه‌يا رازى يه، له‌ورا دا كو توركيا بكێشيته لايێ خوه و نه‌خاپينيت دڤێت تێكه‌ليێن خوه ل گه‌ل يه‌په‌گێ ببڕيت.
ل سه‌ر ڤێ رێكه‌فتنێ 4ى خزيرانێ وه‌زرتا كارێن ده‌رڤه يا توركيا و ئه‌مريكا دێ ل واشنتۆن هه‌ڤديتنه‌كێ كه‌ن و دهێته چاڤه‌رێكرن ل سه‌ر منبجێ ئه‌نجامێن دووماهيێ يێن روونشتنێ ب ده‌ركه‌ڤن و رێكه‌فتن بهێته ئيمزا كرن.
