توركيا يا به‌رده‌وامه ل سه‌ر بۆردۆمانكرنا باشوورێ كوردستانێ
ئه‌ڤرۆ نيوز:
دوهى ئێڤارى و هه‌تا دره‌نگى شه‌ڤ ب ره‌نگه‌كێ به‌رده‌وام فرۆكێن شه‌ركه‌رێن ده‌وله‌تا توركيا هه‌ر ئێك ژ چيايێ گاره و مه‌تينى ل سنورێ ده‌ڤه‌را ئامێديێ و به‌روارى بالا بۆردۆمانكرن و پاشان ژى ده‌ست ب بۆردۆمانكرنا بنارێ قه‌نديل كر.
د راگه‌هاندنه‌كێ دا، پارتا كرێكارێن كوردستانێ “په‌كه‌كه” به‌لاڤكر كو فرۆكێن سۆپايێ توركيا د رێيا فرۆكێن شه‌رى دا هه‌رێمێن پاراستنا مه‌ديا و بۆردۆمان كرينه و ئاشكه‌را ژى كريه كو ل ده‌مژمێر 22:55 ده‌قيقه يا شه‌ڤا بۆرى ده‌وله‌تا توركيا هه‌رێمێن پاراستنا مه‌ديا و زاپ و هه‌ڤتانين و ئاڤشين بۆردۆمان كرينه.
ئه‌ڤ بۆردۆمانكرنه د ده‌مه‌كى دا كو هه‌ردو پارتێن ئاكپارتى و هه‌ده‌په هه‌ڤدۆ ب پێگيرنه‌كرن ب قووناغا ئاشتيێ تۆمه‌تبار دكه‌ن و پشتى ته‌قينێن سيرچێ ژى دو له‌شكرێن ده‌وله‌تا تورك ل كوشتى هاتنه ديتن.