توركيا يا په‌يوه‌نديێن خوه يێن ئابوورى ل گه‌ل هه‌رێما كوردستانێ موكمتر لێ دكه‌ت
ئه‌ڤرۆ نيوز، نيوار محه‌مه‌د سه‌ليم:
ب مه‌ره‌ما موكمكرنا په‌يوه‌نديێن دوقولى و چاوانيا پتر پێشخستنا كاروبارێن ئابوورى و بازرگانى د ناڤبه‌را هه‌ردولايان دا و چاوانيا پشكنينا كه‌رستان ل تاقيگه‌هێن كۆمه‌لگه‌هێ، محه‌مه‌د عاكف قونسلێ توركيا ل هه‌رێما كوردستانێ سه‌ره‌دانا كۆمه‌لگه‌ها ده‌رگه‌هێ نێڤده‌وله‌تى يێ ئيبراهيم خه‌ليل كر.
ب گۆره‌ى راگه‌هاندنا ركۆمه‌لگه‌ها ده‌رگه‌هێ نێڤده‌وله‌تى يێ ئيبراهيم خه‌ليل، د كۆمبوونێ دا به‌حس ل چاوانيا پێشخستنا په‌يوه‌نديێن هه‌مه‌لايانه و بلندكرنا ئاستێ ئابوورى و بازرگانى هاتيه كرن و پشان ژى سه‌رپه‌رشتێ كۆمه‌لگه‌هێ چه‌نده‌ك ژ كاروبارێن كۆمه‌لگه‌هێ بۆ شاندێ ناڤبرى به‌حسكرن و ئاماژه ب كارێ تاقيگه‌هێن كۆمه‌لگه‌هێ بۆ هه‌ردو كۆمپانيێن “نيو ستاندارد و ئه‌نترتيك” هاته كرن و رۆلێ وان ل هه‌مبه‌ر كه‌رستێن ب كوالێتى و ل دووڤ سالۆخه‌تێن عيراقى و بيانى.
دا زانين ژى كو قونسلێ توركيا خۆشحاليا خوه به‌رامبه‌ر كارێ وان داربڕى بۆ خۆرتكرنا بزاڤا ئابوورى و بازرگانى د ناڤبه‌را توركيا و هه‌رێما كوردستانێ دا.
ل دووماهيا كۆمبوونێ ژى ب گۆره‌ى هه‌مان ژێده‌ر، ته‌كست ل سه‌ر به‌رده‌واميا كۆمبوونا ب ره‌نگه‌كێ هه‌يڤانه هاته كرن ژ بوو پێشخستنا بزاڤا بازرگانى و چاره‌كرنا هه‌ر ئاريشه‌كا دهێته پێش.