توركیا: ل سه‌ر داخوازا به‌غدا مه هێز هنارت
ئه‌ڤرۆ نیوز:
وه‌زیرێ ده‌رڤه‌یێ توركیا، مه‌ولود چاوش ئوغلو راگه‌هاند كو وه‌زیرێ به‌ره‌ڤانیا ئیراقێ داخوازا راهێنانا سه‌ربازى ژ وان كریه، د هه‌مان ده‌مدا پارێزگه‌رێ نه‌ینه‌وا داخواز ژ وان كریه راهێنانان ب سه‌ربازێن وان بكه‌ن.
جێگیربوونا هێزێن سه‌ربازیێن توركیا ل سنورێ پارێزگه‌ها مووسل یێ بوویه پرسا میدیایێن جیهانێ، چاوش ئوغلو دبێژیت” پارێزگه‌رێ مووسل داخواز ژ مه كر راهێنانێ ب سه‌ربازێن وان بكه‌ین، هێزێن مه ل وێ ده‌ڤه‌رێ راهێنانان ب پێشمه‌رگه و وان هێزان دكه‌ن كو به‌رهنگاریا داعش دكه‌ن، ئه‌ڤه تشته‌كێ تایبه‌ت ب توركیا نینه، به‌لكو ئه‌مریكا، فره‌نسا و ئه‌لمانیا ژى هه‌مان راهێنانان ب هێزێن دژى داعش، ئه‌نجام دده‌ن.
