تورکیا ل کۆبانێ دەست ب ھێرشێن ئەسمانی کر
ئەڤرۆ نیوز:
فرۆکێن جەنگی یێن وەلاتێ تورکیا ھێرشێن خوە یێن ئێکێ یێن ئەسمانی دژی چەکدارێن داعش ل دەوروبەرێن کۆبانێ باکورێ رۆژھەلاتێ سوریا دەسپێکرن.
راگەھاندنا تورکیا ئاشکەرا کر کو د ڤان ھێرشێن ئەسمانی یێن لەشکرێ تورکی دا، وەلاتێ وان فرۆکێن شەرکەر یێن F١٦ یێن ب کار ئیناین دا کو مۆلگەیێن داعش ل دەوروبەرێن کۆبانێ دەسپێکرن.
ئەڤ ھێرشێن تورکیا پشتی بۆرینا ٢٤ دەمژمێران ژ رەزامەندیا پەرلەمانێ تورکیا ل سەر پرۆژێ سەرۆک وەزیرێن تورکیا ئەحمەد داود ئوغلۆ ھات ئەڤێ تایبەت ب نەھێلانا تیرۆرێ ل دەڤەرێ.
د پشکەکا ڤی پرۆژەی دا ھاتیە کو ھەر دەما حوکمەتا تورکیا ھەست کر کو مەترسیا ل سەر ئەمنا وەلاتێ وان ھەیی، دشێت فرۆکێن جەنگی بۆ نەھێلانا ڤێ مەترسیێ ل ژ دەرڤەی سنورێن تورکیا بکاربینن.
