تۆماركرنا هەڤپەیمانیان دێ بۆ هەلبژارتنێن كوردستانێ دەست پێ کەن
ئەڤرۆ نیوز ، زنار تۆڤی :
بەرپرسەکێ كۆمسیۆنا بلند یا سەربەخۆیا هەلبژارتن و راپرسیێ ل هەرێمی كوردستانێ ئاشكرا دکەت، کو ل ماوێ دیار كریێ خۆدا كو دکەڤیتە پشتی جەژنا رەمەزانێ دێ تۆماركرنا هەڤپەیمانیان بۆ هەڵبژارتنێن پەرلەمانێ كوردستانێ دەست پێ کەن.
شۆرەش حەسەن رێڤەبەرێ راگەهاندن و پەیوەندیان ل كۆمسیۆنا بلند یا سەربەخۆیا هەڵبژارتن و ڕاپرسیێ ل هەرێما كوردستانێ گوتیە ، ماوێ تۆمارا قەوارە و حزبێن سیاسی بۆ هەلبژارتنان ب دووماهی هاتیە.
هەروەسا گوتیە ، پشتی جەژنێ ل رۆژی 18 و 19 خزیرانێ ماوێ خۆتۆماركردنێ بۆ هەڤپەیمانیێن حزبان دێ هێته ڤەکرن و هەکە دوو حزبان ڤیان هەڤپەیمانیێ ببەستن ئەو دێ شێن د وی دەمیدا داخوازیا هەڤپەیمانیێ پێشكێش كەن.
