تۆنێلا ئامێدیێ ھاتە ڤەکرن
ئەڤرۆ نیوز:
سەرۆکێ باژێرڤانیا ئامێدیێ ئاشکرا کر کو ژ ئەگەرێ ساربوونا سەقای، دوھی 15/12/2015 ب رەنگەکێ دەمکی تۆنێلا ئامێدیێ ھاتە ڤەکرن و کەفتە د خزمەتا وەلاتیێن دەڤەرێ دا و ھەتا وەرزێ بھارێ ترۆمبێل دشێن ھاتنوچوونێ لێ بکەن.
رەمەزان حەجی عەساف، سەرۆکێ باژێرڤانیا ئامێدیێ بۆ ئەڤرۆ دیار کر کو ژ بەر ھاتنا وەرزێ زڤستانێ و قەرسینا جاددێ ھەتا وەرزێ بھارێ دھێت کار ل سەر تونێلا ئامێدیێ دێ ھێتە راوەستاندن و گۆت: “ھێشتا تۆنێل ب تمامی ب دووماھی نەھاتیە، لێ جارێ کار تێدا ھاتیە راوەستاندن و ھەتا کار تێدا دەستپێ دکەتە ڤە وەلاتی دشێن ھاتنووچوونێ لێ بکەن”.
ناڤھاتی خویا ژی کر، کارێ تۆنێلا ئامێدیێ بەر ب دووماھیێ یە و قێرکرن و ھندەک کارێن تەکنیکی یێن وێ ماینە.
سەرۆکێ باژێرڤانیا ئامێدیێ ئاماژە ب وێ چەندێ ژی کر، درێژاھیا تونێلێ 257 میترن و فرەھیا وێ ژی 8 میترن و ل سەر جودجا حوکمەتا ھەرێما کوردستانێ دھێتە ب جھئینان و 25 ملیار و 494 ملیۆن دینار بۆ ھاتینە تەرخانکرن.
تۆنێلا ئامێدیێ ل سەر جاددا سەرەکیا سەنتەرێ قەزا ئامێدیێ دھێتە چێکرن و ب تمامبوونا وێ ئاریشا ھاتنوچوونا تاخێ مرێبکا و چەندین فەرمانگەھێن حکومی ل دەڤەرێ چارە بیت.