تۆنێله‌كا دى يا داعش هاته ديتن
ئه‌ڤرۆ نيوز:
هێزێن پێشمه‌رگێ كوردستانێ، تيمێن كه‌تيبا ئه‌ندازه‌يا له‌شكرى يا هێزێن پشته‌ڤانيا ئێك تۆنێله‌كا دى ژى ديت كو درێژيا وێ نێزيكى 700 مه‌ترايه.
ليوا مه‌حمود كاكه‌ى بۆ مالپه‌رێ فه‌رميێ پارتى ديموكراتى كوردستان راگه‌هاند: تيمێن كه‌تيبا ئه‌ندازه‌يا له‌شكرى و هێزێن پشته‌ڤانيا ئێك، تۆنێله‌ك ل ته‌ل ئه‌سوه‌د ديت كو درێژاهيا وێ دگه‌هيته 700 مه‌تران و دبيت ل وێرێ داعش خوه ڤه‌دشارت و خوارنا قوديكان ژى ل وێرێ هه‌بوو.
زێده‌تر گۆت: “ئه‌ڤ تۆنێله ل گۆندێ گرێ ره‌ش هه‌تا دگه‌هيته نێزيك سه‌نگه‌رێن هێزێن پێشمه‌رگه‌ى ل ميحوه‌رێ خازر يا درێژه و د ناڤ وێ تۆنێلێ دا پشتينێن مينرێژكرى و ژماره‌كا بۆمبان هه‌بوون، مه ژناڤبرن”.
ئاماژه ب وێ چه‌ندێ ژى كر كو ئه‌ڤه تۆنێلا حه‌فتێ يا داعشه هێزێن پێشمه‌رگه‌ى ئاشكه‌را دكه‌ن ژ پشتى گۆتنا هه‌ر 10 گۆندێن ميحوه‌رێ خازر.