تۆپخانا تورکی دەڤەرا بەرواری بالا تۆپ باران کر
ئەڤرۆ نیوز ، زنار تۆڤی:
ب بەهانەیا هه‌بوونا گەریلایێن پەکەکێ ئەڤرۆ ژی تۆپخانا له‌شكرێ تورکی چەندین گوندێن دەڤەرا بەرواری بالا تۆپ باران کرن.هەروەسا رۆژانە له‌شكرێ تورکیا ڤێ دەڤەرێ تۆپان باران دکەت، دیسان ڤێ تۆپ بارانێ زیان گەهاندیە ئاقار و رەزێن خەلکێ و رووبەرەکێ مەزن یێ دارستانێ ژی سۆتیە.
ئیبراهیم تاهر، وەلاتیەکێ ناحیا کانی ماسێ یه، بۆ ئەڤرۆ نیوز دیار کر: ئەڤرۆ چارشەمبی تۆپخانا تورکی ده‌وروبه‌رێن گوندێ هەدێنە ل دەڤەرا بەرواری بالا تۆپ باران کریە و هندەک تۆپ ل ناڤا ئاقارێ گوندی داینە، ژ ئەنجامێ وێ تۆپ بارانێ ئاگر بەربوویە هندەک جهان، دیسان هندەک تۆپ ل نێزیکی خانیان ژی کەفتینە.