تیرۆرستێ هێرشه‌كا پاریس چ جار نه‌دچوو مزگه‌فتێ
ئه‌ڤرۆ نیوز:
نه‌یما هه‌ڤژینا به‌رێ یا ئیبراهیم عه‌بدسه‌لام ئێك ژ تیرۆرستێن هێرشا پاریس ئه‌نجام دای بۆ ئێكه‌م جار چه‌ند نهێنییان لسه‌ر هه‌ڤژینێ خوه یێ به‌رێ ئاشكرا دكه‌ت.
نه‌یما دبێیت: ئیبراهیم كه‌سه‌كێ بێكار بوو، چ جار نه‌دچوو مزگه‌فتێ، و ژ ره‌مه‌زانا رۆژی نه‌دگرتن ژبلی هه‌كه‌ر مالا وی نه‌چار كربا، تشتێ گه‌له‌ك حه‌ژێدكر كێشانا مادێن هۆشبه‌ر بوو و دبه‌را گۆهێ خوه ددا سترانێن راپ یێن عه‌ره‌بی ب درێژییا رۆژێ، نه‌یمایێ مه‌نده‌هۆشییا خوه ده‌ربری كو ژبه‌ر ئایین وی ئه‌ڤ تشته كربیت.
ئیبراهیم یێ 31 سالی د هێرشێن پاریسێ دا خوه لبه‌ر ده‌رێ خارنگه‌هه‌كێ په‌قاندبوو، هێزێن ئێمناهیێ خویاكر كو ناڤهاتی بێ ده‌ستی و به‌ریا وه‌ختێ وی پێ مه‌به‌ست بۆمبا خوه په‌قاند ژبه‌ر ڤێ یه‌كێ قوربانیێن په‌قینا وی بتنێ گه‌له‌ك نه‌بوون.
سالح عه‌بدسه‌لام برایێ ئیبراهیم نها ئێك ژ وان تاوانبارێن ل ئه‌ورۆپایه كو پترین لێگه‌ریان بۆ دهێته‌كرن لێ پشتی شیای ده‌ربازی به‌لجیكا هێشتا نه‌هاتیه گرتن.
