تیما دھۆکێ بھێز ڤەگەڕیا
تارق عەبدال
پشتی ژبەر کۆپا کەنداڤی خولا ستێرێن ئیراقێ هاتیە ڕاوەستاندن دوبارە هەڤڕکی دەستپێکرن، دیاربوو کارگیری و دەستەیا راھێنەران مفایی ژ دەمی وەربگرن ژبۆ چارەسەرکرنا خالێن لاواز و ب شێوەیەکێ باشتر تیمێ رێکبێخن و بھێز و مورالەکا بلند ڤەگەرنە دخولا ستێرێن ئیراقێ دا، دەرئەنجامێ وێ سەرکەفتنەکا مەزن بوو ل سەر زەورا ب سێ گۆلێن پاقژ، بەری ئەنجامی دبیت کارگێریا یانەیا زەورا و جەماوەرێ دھۆکێ ھوسا ھزر کربیت کو تیما دهۆکێ دێ ب ھەمان ئاستێ جاران یاریێ کەت، لێ تەمامەن بەروڤاژی دەرکەت کو یانەیا دھۆکێ ب ئاستەکێ بلند پێکشێشکر کو دھزرا وان دا نەبوو، لڤێرە نە بەس تیما دھۆکێ ئەنجامەکێ باش تومارکر بەلکو ژ ھەمی لایانڤە دھۆک بااشتربوو، ژلایێ تەکتیکێ و شێوازێ یاریێ کو بێ ترس، دیسان ژلایێ دەرونێ ڤە ژی یاریزان یێ ئارام و سەرخوەبوو، ئەڤە ھەمی بوونە پالدەر کو ئاستەکێ نموونە پێشکشبکەن، دلێ جەماوەر و پشتەڤانێن خۆ خوش بکەن، ھیڤیا مە ئەوە ھەر بڤی ئاراستەی یاریێ بکەن، ژبو ھندێ ناڤودەنگیا دھۆکێ دخولا ستێرێن ئیراقێ دا بھێزی بمینیت، ئەو یارییێن مایی دخولێ دا ئەنجامێن باش و دلخوشکەر ب دەستڤە بینن، مە باوەریەکا موکم ب شیانێن یارێزانێن دهۆکێ ھەنە جەماوەر و پشتەڤانێن وێ چاڤەریێ سەرکەفتنێن مەزنترن، ئەڤجا زەندو باسکێن خو ھلدەن وەکی شێران وەرنە مەیدانێ، ناڤودەنگیا ئەلهۆیێن چیا ھەر وەکی جاران ل گوپیتکێ بمینیت، دیسان ژلایێ مادی ڤە دڤیت زێدەتر ھاریکار و پشتەڤانیا یاریکەران بھێتەکرن ژبو ھندێ کارتێکرنێ ل ئاستێ وان نەکەت و موڕالا وان بلند بیت، معنەوەی ڤە یا لسەر ملێن جەماوەر و پشتەڤانێن یانێ تەخسیریێ ناکەن ل ھەر کاودان و باردوخەکی دا ب گور و تینفە ل یاریگەھێ ئامادە دبیت، ب ھەمی ھێز و شیانێن خۆڤە تا چرکا دووماھیێ ژ یاریێ پشتەڤانیا یانەیا خۆ دکەن ئەڤەژی دبیتە ھاندەرەکێ معنەوەی ب یاریزانان کو بشێن زێدەتر خۆماندی بکەن و ئاستەکێ باش دیاریێ دا پێشکێش بکەن.
