تیمه‌كا نوشداری یا توركی دێ نه‌خۆشخان بێ به‌رامبه‌ر چاره‌سه‌ر كه‌ت
ئه‌ڤرۆ نیوز، نه‌وزاد هلۆری:
ب مه‌ره‌ما زێده‌تر خزمه‌تكرنا كه‌رتێ ساخله‌میێ و هاریكاریكرنا خه‌لكێ هه‌ژار و كێم ده‌رامه‌ت، تیمه‌كا بسپور یا نوشداری دێ ل توركیا هێته ده‌ڤه‌را بارزان و ل نه‌خۆشخانا گشتی یا بلێ بێ به‌رامبه‌ر پشكنین و چاره‌سه‌ریا بو نه‌خۆشێن كوردستانێ كه‌ت.
دكتور هه‌وار عه‌بدوللا دری، رێڤه‌به‌رێ گشتیێ نه‌خۆشخانا بلێ ل ده‌ڤه‌را بارزان بۆ ئه‌ڤرۆ نیوز گۆت: (ب مه‌ره‌ما چاره‌سه‌ركرنا نه‌خۆشان و هاریكاریكرنا خه‌لكێ هه‌ژار و كێمده‌رامه‌ت پشتی بزاڤ و دانوستاندنه‌كا زۆر ل گه‌ل زنجیره نه‌خۆشخانه‌یێن لوقمان حه‌كیم ل توركیا، ل داویێ شیان تیمه‌كا پێكهاتی ژ چه‌ند پروفیسوور و نوشداران، رازی بكه‌ین كو ژ نێزیك سه‌ره‌دانا ده‌ڤه‌رێ بكه‌ن).
زێده‌تر گۆت: (تیمه‌كا چوار كه‌سی كو پێكهاتیه كو چه‌ندین بسپوریان ب خو ڤه دگریت، دێ ل ده‌ستپێكا هه‌یڤا چریا دویێ یا بهێت سه‌را نه‌خۆشخانا گشتی یا بلێ كه‌ن، وه‌لاتی و نه‌خۆش ل هه‌ر ده‌ڤه‌ره‌كا كوردستانێ بیت دشێت ناڤێ خوه تومار بكه‌ت دا كو بشێت پشكنین و دیتن و چاره‌سه‌ریا خوه بكه‌ت).
