تەرمێن سێ شەھیدێن بۆردۆمانێ گەهشتنە شێلادزێ
ئەڤرۆ نیوز ، ئێقبال عومەر.
دەمەک بەریا نھا تەرمێن سێ ژ وان کەسێن کو دوھی ل دەڤەرا رێکان ژلایێ فروکێن تورکیا ھاتینە شەھیدکرن ھاتنە ڤەگەراندن بو شێلادزێ.
سەمیع باقی سیدانی کەس و کارێ ئێک ژ قوربانیان بو ئەڤرۆ نیوز گۆت: ( پشتی دەربازبوونا زێدەتر ژ ٣٢ دەمژمێران لسەر شەھیدکرنا کەس و کارێن مە ، ئەڤرۆ ب ھەڤکاریا جەماوەرێ شێلادزێ شیاین تەرمێن سێ ژ وان کەسێن کو ژلایێ فرۆکێن تورکیا ھاتینە شەھیدکرن ڤەگەرێنین بو شێلادزێ و نھا ل نەخوشخانا شێلادزێ نە)
زێدەتر گۆت: ( خەلکێ دەڤەرێ ل تەرمێ کەسێ چوارێ د گەریان ، بەلێ ھەتا نھا تەرمێ وی نەھاتیە دیتن و لێگەریان یا بەردەوامە ، و ئەگەر پەکەکێ رێک دابایە دا زوتر ھێنە ڤەگوھاستن بو شێلادزی َو ئەوان دخواست ئەم خونیشاندانان ل شێلادزێ دژی تورکیا بکەین)
