تەلار فایەق: گۆمان ل راوەستاندنا گەشتێن ئاسمانی ھەیە
ئەڤرۆ نیوز:
رێڤەبەرێ بالەفرخانا ھەولێر راگەھاند:بەغدا بێ ئاگەھدارکرنا مە دووبارە گەشتێن ئاسمانی ل ھەرێما کوردستانێ راوەستاندن.
تەلار فایەق رێڤەبەرا بالەفرخانا ھەولێرێ ل سەر راوەستاندنا گەشتێن بالەفرڤانیی راگەھاند:بۆ جارا دووێ یە بەغدا بێ ئاگەھدارکرنا ھەرێمێ گەشتێن بالەفرڤانیی راوەستاندن،لەورا مە گومان دوی بابەتی دا ھەیە و دڤیا بەغدا دیارکربا دەمژمێر چەند موشەکێن رووسی دەرباز دبن داکو گەشتێن خوە راوەستینن، ئەگەر بەغدا خو ب دەولەت دزانیت دڤیا ل سەر ئاراستەکرنا موسەکێن روسی بھێتە دەنگ، کا چەوا تورکیا نەھێلا موشەکێن روسی ب ئاسمانێ وێ دا دەرباز بن.
ناڤبرێ ئەو چەندە ژی دیارکر بۆچی بتنێ بالەفرخانێن کوردستانێ ب بنە قوربانی ئەڤی بابەتی و رۆژانە 322 ملیۆن دینار زیان ب بالەفرخانێن کوردستانێ دکەفیت،بۆ بەغدا ل گەل روسیا رێناکەفیت و نابیت موشەکێن رووسی ب ئاسمانێ عیراقێ یاریان بکەن دڤێت وەلات سەروبەرێ خو ب پارێزیت.
