جبۆرى دێ چيته ئه‌مريكا و گه‌له‌ك بابه‌ت دێ ئێكلا بن
ئه‌ڤرۆ نيوز
سه‌رۆك جڤاتا نوونه‌رێن عيراقێ، سه‌ليم جبۆرى، دێ سه‌ره‌دانا وه‌لاتێن ئێكگرتى يێن ئه‌مريكى كه‌ت ل هه‌يڤا بهێت و ئه‌ڤ سه‌ره‌دانه دێ گه‌له‌ك كێشێن ل عيراقێ هه‌ين ئێكلا كه‌ت.
ئێكه‌تيا هێزێن نشتيمانى ئه‌ڤرۆ رۆژا شه‌مبى رێكه‌فتى 16ى گۆلانا 2015ێ كو سه‌رۆكێ جڤاتا نوونه‌رێن عيراقێ سه‌ليم جبۆرى دێ ل هه‌يڤا بهێت سه‌ره‌دانا ئه‌مريكا كه‌ت و ئه‌ڤ سه‌ره‌دانه دێ گه‌له‌ك ژ كێشا ئێكلا كه‌ت.
سه‌ركردێ د ناڤ ڤێ ئێكه‌تيێ دا ب ناڤێ محه‌مه‌د حه‌بلوسى راگه‌هاند: سه‌رۆكێ جڤاتا نوونه‌رێن عيراقێ، دێ ل هه‌يڤا بهێت وه‌كو سه‌رۆكێ جڤاتا نوونه‌رێن عيراقێ و نوونه‌رێ هێزێن سونى سه‌ره‌دانا ئه‌مريكا كه‌ت.
حه‌بلۆسى گۆتژى: “گه‌له‌ك ژ وان كێشێن نوكه ل عيراقێ هه‌ين ب تايبه‌ت يێن پارێزگه‌هان دێ د ڤێ سه‌ره‌دانێ دا هێنه گه‌نگه‌شه‌كرن و كوڕێن ئه‌نبار دێ شێن ل بن ئالايێ عيراقێ ده‌ڤه‌رێن خوه رزگار كه‌ن ب هاريكاريا كوڕێن عه‌شيره‌تان و هێزێن ئه‌منى يێن عيراقى د دابينكرنا پشته‌ڤانيا له‌شكرى و لوجستى دا”.
ل 14ى نيسانا 2015ێ سه‌رۆك وه‌زيرێن عيراقێ حه‌يده‌ر عه‌بادى و پاشان ژى ل 2ى گۆلانا 2015ێ سه‌رۆكێ هه‌رێما كوردستانێ مه‌سعود بارزانى و به‌رى چه‌ند رۆژان ژى ل 9ى گۆلانا 2015ێ پارێزگارێ نه‌ينه‌وا ئه‌سيل نوجێفى سه‌ره‌دانا وه‌لاتێ ئه‌مريكا كرن و ل گه‌ل به‌رپرسێن ئه‌مريكى ل سه‌ر چه‌ندين بابه‌تێن گرنگ دانوستاندن كرن.
