جبۆرى هه‌وارێن خوه گه‌هاندنه بارزانى
ئه‌ڤرۆ نيوز:
سه‌ليم جبۆرى، د په‌يوه‌نديه‌كا تله‌فۆنى دا ل گه‌ل كۆمه‌كا سه‌ركردێن سياسى يێن عيراقى دكه‌ت و داخوازێ ژێ دكه‌ت خوين رشتن ل عيراقێ ب دووماهى بهێت.
ب گۆره‌يى نووچه‌كى كو ل تورا خوه يا جڤاكيا فه‌يسبۆكى به‌لاڤكريه، سه‌ليم جبۆرى، سه‌رۆكێ جڤاتا نوونه‌رێن عيراقێ په‌يوه‌نديه‌كا تله‌فۆنى ل گه‌ل سه‌رۆكێ هه‌رێما كوردستانێ ئه‌نجام دايه و د وێ په‌يوه‌نديێ دا به‌حس ل كاودانێن خراب يێن عيراقێ كريه و سه‌رۆكێ هه‌رێما كوردستانێ ژى خه‌مباريا خوه ل دۆر ده‌سدرێژيكرنا سه‌ر په‌رله‌مانتارێ سوننه و كوشتنا مام و زێره‌ڤانێن وى ده‌ربڕيه.
سه‌رۆك جڤاتا نوونه‌رێن عيراقێ بۆ مه‌مان مه‌ره‌م په‌يوه‌ندى ب سه‌رۆكێ جڤاتا بلندا ئيسلامى ل عيراقێ عه‌مار حه‌كيم ژى كريه و ئه‌و ره‌وشا خرابا نوكه سوننه ل عيراقێ تێدا دبۆرن به‌حس كريه.
