جهـەک ل زاخۆ ژبەر نەجێبەجێ کرنا رێنمایان هاتە گرتن و ئێک ژی هاتە ئاگەهدار کرن
ئەڤرۆ نیوز، عەلی حاجی :
نوونەرێ قایممقامیا زاخۆ د لژنا دیفچوونێ دا بۆ ئەڤرۆ نیوز دیار کر بەردەوامین ل سەر کارگەهـ و جهێن فروتنا بەرهەمێن نارگیلەیان و ئاهێن خوارنێ و مە چەندین جهـ سزا داینە و هنفەک رێنمایێن نوو ژی داینە وان جهان.
زێدەتر وەلات هەجەر گوت : پشتی مە شیایی چەندین پێزانینان کومڤە بکەین ل سەر جهەکێ یا داگرتن و چێکرنا بەرهەمێن گوشتی ل زاخۆ،پشتی مە سەرودانا وی جهی کری دیار بوو ژلایێ لژنا بازرگانی و ساخلەمیا زاخۆ چەند تێبینەک ل سەر وی جهی هەبوون لەورا وەکو لژنا دیڤچوون مە لیستەکا رێنمایان کو ژ حەفت خالان پێک هات بوون رادەستی وی جهی کرن و مە ل سەر سەپاند کو دماوەیێ حەفتیەکێ دا هەتا ١٠ روژان وان رێنمایان جێبەجێ بکەت و پشتی وی ماوەیێ هاتیە دەست نیشان کرن دێ دوبارە سەرەدانا وی جهی کەین، هەر دسەرەدانەکا مە دیتر دا بۆ کارگەهەکا معەسەلێ نارگیلەیان کر ل گوندێ باجیکا کو پێشتر مە ئەم جهە دائێخست بوو ژبەر نەبوونا مولەتیێ بەلێ ئاگەهداریا مە ئەو جهە ڤەکربوو لەورا ئەم نەچار بووین وی جهی دووبارە دائێخینە ڤە هەتا کو مولەتا فەرمی ژحکومەتێ وەربگریت و هەر دەما ئەڤ کارە دووبارە بوو دێ ب توندی هێتە سزادان،دێ سەرەدانێن مە بەردەوام بن و هەر هاولاتیەکێ تێبینیەک ل سەر جهەکێ هەبیت و دێ دیفچوونێ ل سەر کەین و هەر جهەکێ کێمام و کاسیەک هەبیت دێ سزا دەین.
