جه‌بار ياوه‌ر: هه‌ر هێزه‌كا نه‌نياس پشكدارى شه‌رێ مووسل ببيت دێ هێته‌ بۆردۆمانكرن

ئه‌ڤرۆ نيوز:

ئه‌ميندارێ گشتيێ وه‌زاره‌تا پێشمه‌رگه‌ى راگه‌هاند: “هه‌ر هێزه‌كا بيانى و نه‌نياس پشكدارى ئۆپه‌راسيۆنا كۆنترۆلكرنا مووسل بكه‌ت و ناڤێ وێ د رێزا وان هێزێن به‌رنياس و دياركرى دا نه‌بيت و د چارچۆڤێ پلانا له‌شكرى يا كونترۆلكرنا باژێرى دا نه‌بيت دێ ژ لايێ هه‌ڤپه‌يمانان ڤه‌ هێته‌ بۆردۆمانكرن.

جه‌بار ياوه‌ر ئه‌ميندارێ گشتيێ وه‌زاره‌تا پێشمه‌رگه‌ى ئاشكه‌را كر كو رێ ب چو هێزه‌كا بيانى ناده‌ن پشكدارى ئۆپه‌راسيۆنێ بكه‌ت و ئاماژه‌ ب وێ چه‌ندێ كريه‌ كو هه‌ر هێزه‌كا نه‌نياس پشكدارى شه‌رى بكه‌ت و ناڤێ وێ د ليستا هێزێن پێشكدارێن سه‌ره‌كى دا نه‌بيت، دێ ژ لايێ هه‌ڤپه‌يمانێن نێڤده‌وله‌تى يێن شه‌رێ دژى داعش هێته‌ بۆردۆمانكرن.

ئه‌ڤى به‌رپرسێ وه‌زاره‌تا پێشمه‌رگه‌ى ئاماژه‌ ب وێ چه‌ندێ ژى كر كو هه‌ماهه‌نگى و په‌يوه‌نديه‌كا هوور و به‌رده‌وام د ناڤبه‌را هێزێن سه‌ر ئه‌رد و هێزێن ئه‌سمانى دا د ڤى شه‌رى دا هه‌يه‌.