جه‌بار ياوه‌ر: ڤه‌گه‌ريانا پێشمه‌رگه‌ى بۆ ده‌ڤه‌رێن كوردستانى گرنگترين مه‌رجێ كوردايه
ئه‌ڤرۆ نيوز، فاتما مزوورى:
ئه‌ميندارێ گشتى يێ وه‌زاره‌تا پێشمه‌رگه‌ى جه‌بار ياوه‌ر راگه‌هاند كو ژ بۆ پشكداريكرنا كوردان د پێكئينانا حوكمه‌تا نوو يا عيراقا فيدرال دا، ئێك ژ مه‌زنترين مه‌رجێن هه‌رێما كوردستانێ ل گه‌ل به‌غدا ڤه‌گه‌راندنا هێزێن پێشمه‌رگه‌يه بۆ ده‌ڤه‌رێن كوردستانى يێن به‌رى روودانێن 16ى ئۆكتۆبه‌رێ.
جه‌بار ياوه‌ر گۆت: “دڤێت به‌رى هه‌ر تشته‌كى ره‌وشا ده‌ڤه‌رێن كوردستانێ بهێنه ئارامكرن وه‌كو به‌رى 16ى ئۆكتۆبه‌رێ و ئه‌و ده‌ڤه‌ر ژ لايێ هێزێن عيراقى و پێشمه‌رگه‌ى ڤه بهێنه پاراستن”.
ده‌رباره‌ى هاريكاريا هێزێن هه‌ڤپه‌يمانان گۆت: “چو گوهۆڕين ب سه‌ر كارێن پێشمه‌رگه‌ى و هێزێن هه‌ڤپه‌يمانان ل كوردستانێ نه‌هاتينه كرن و هه‌ر دو حه‌فتيان جاره‌كێ هه‌ڤديتنه‌كا هه‌ڤپشك د ناڤبه‌را هه‌ردو لايان دا يا هه‌ى”.
دا زانين ژى كو هه‌ڤپه‌يمانان پرۆگرامێ ئه‌ڤ ساله يێ راهێنانێن پێشمه‌رگه‌ى دانايه و گۆت: “نوكه ئه‌و مژوولى به‌رنامێ سالا 2019ێ نه و هاريكاريێن وان بۆ هێزێن پێشمه‌رگه‌ى د به‌رده‌وامن”.
