جه‌میل بایك:به‌رى په‌كه‌كه چه‌كى دانیت، دڤێت توركیا ڤێ پێنگاڤێ بهاڤێژیت
ئه‌ڤرۆ نیوز:
هه‌ڤسه‌رۆكێ كه‌جه‌كێ رادگه‌هینیت به‌رى په‌كه‌كه چه‌كى دانیت، پێدڤیه حوكممه‌تا توركیا كێشا كوردى چاره بكه‌ت.
جه‌میل بایك هه‌ڤسه‌رۆكێ كوما جڤاكێن كوردستانێ ( كه‌جه‌كێ) راگه‌هاند: به‌رى بجهئینانا پێنگاڤێن دانانا چه‌كى ژ ئالیێ پارتا كرێكارێن كوردستانێ ڤه، دڤێت ئه‌م و ئه‌نقه‌ره ل سه‌ر چه‌ند خال و مه‌رجان رێككه‌ڤین.
جه‌میل بایك دیاركر كو وان وه‌ك په‌كه‌كێ چه‌ندین پێنگاڤ ژ پێخه‌مه‌ت چاره‌سه‌ریێ هاڤێتینه، به‌لێ هه‌تا نوكه توركیا چ پێنگاڤێن رژد نه‌هاڤێتینه.
بایك دیاركر كو ده‌وله‌تا توركیا دێ خه‌له‌تیه‌كا مه‌زن كه‌ت، ئه‌گه‌ر هاتو به‌رى داخوازا دانانا چه‌كى ژ په‌كه‌كێ بكه‌ت، ئه‌و پێنگاڤێن پراكتیكى د پروسا ئاشتیێ دا نه‌هاڤێژیت.
