جوداهيا رێژێن باران بارينا ئه‌ڤ ساله ل گه‌ل سالا بۆرى
ئه‌ڤرۆ نيوز:
رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ هه‌ڤبه‌ركيا رێژا باران بارينا ئه‌ڤ ساله ل گه‌ل سالا بۆرى راگه‌هاند كو تێدا جوداهيه‌كا مه‌زن د رێژێن باران بارينا ئه‌ڤ ساله و سالا بۆرى دا هه‌يه.
ب گۆره‌ى وێ راگه‌هاندنێ كو دانه‌ك بۆ ئه‌ڤرۆ نيوز ره‌وانه كريه تێدا ئاماژێ ب وێ چه‌ندێ دكه‌ت كو ل پارێزگه‌ها دهۆكێ هه‌تا نوكه 190.6ملم باران باريه، د ده‌مه‌كى دا ل سالا بۆرى 384.7ملم باران باريبوو، ب ره‌نگه‌كى 194.1ملم ژ سالا بۆرى كێمتر.
پشكا ئامارێ دده‌ته زانين ژى كو ل هه‌ولێر ژى سالا بۆرى هه‌تا ڤى ده‌مى 186.3ملم باران باريبوو، سالا بۆرى 309.4ملم. ل سلێمانيێ ئه‌ڤ ساله 281.9ملم سالا بۆرى 537.3ملم. ل كه‌ركووك 127.7ملم، سالا بۆرى 210.1ملم و ل هه‌له‌بچه ژى 187ملم بارينه و ل سالا بۆرى ژى 480.3ملم باريبوون.
ب ره‌نگه‌كێ گشتى ل سالا بۆرى ل دهۆك 615.4ملم، هه‌ولێر 492.5، سلێمانيێ 860.9ملم، كه‌ركووك 423.2ملم و هه‌له‌بچه ژى 754ملم بارانێ باريبوون.
