جون كيرى گه‌هشته به‌غدا
ئه‌ڤرۆ نيوز:
د سه‌ره‌دانه‌كا چاڤه‌رێكرى دا، جون كيرى وه‌زيرێ ژ ده‌رڤه يێ ئه‌مريكا گه‌هشته به‌غدا و بڕياره ل گه‌ل مه‌زنه به‌رپرسێن عيراقى كوم بيت.
تۆڕا ده‌نگوباسێن سكاى نيوز يا عه‌ره‌بى د نوچه‌كێ ب له‌ز دا به‌لاڤكر كو جون كيرى وه‌زيرێ ژ ده‌رڤه يێ ئه‌مريكا ئه‌ڤرۆ رۆژا ئه‌ينى رێكه‌فتى 8ى نيسانا 2016ێ گه‌هشته به‌غدا.
پێشتر ئه‌حمه‌د جه‌مال، ئاخفتنكه‌رێ ب ناڤێ وه‌زاره‌تا ژ ده‌رڤه يا عيراقێ راگه‌هاند بوو كو ئه‌ڤرۆ رۆژا ئه‌ينى جون كيرى وه‌زيرێ ژ ده‌رڤه يێ ئه‌مريكا دێ سه‌ره‌دانا عيراقێ كه‌ت.
دابوو زانين ژى كو د سه‌ره‌دانا خوه دا، جون كيرى دێ ل گه‌ل ژماره‌كا مه‌زنه به‌رپرسێن عيراقى كۆم بيت و دووماهى پێشهاتێن شه‌رێ داعش و چه‌ندين پرسێن دى گه‌نگه‌شه كه‌ت.
بڕياره ئه‌ڤرۆ شاندێ هه‌رێما كوردستانێ ژى ب سه‌رۆكاتيا نێچيرڤان بارزانى بگه‌هيته به‌غدا ژ بوو دانوستاندنێ د ناڤبه‌را كێشێن هه‌ردولا و حوكمه‌تا ته‌كنوكرات دا، جون كيرى ژى دێ وه‌كو ناڤه‌ندگێرى ئاماده‌ى كۆمبوونێ بيت.
