جڤاتا بلندا وه‌به‌رهێنانێ چه‌ند بریاره‌ك په‌سه‌ند كرن
ئه‌ڤرۆ نیوز:
ئه‌ڤرۆ جڤاتا بلندا وه‌به‌رهێنانێ ل هه‌رێما كوردستانێ ژ پێخه‌مه‌ت به‌ره‌ڤ پێشبرنا بیاڤێ وه‌به‌رهێنانێ چه‌ند بریار و راسپاردێن پێدڤى په‌سه‌ندكرن و رژدى ل سه‌ر كوالێتیا بلند د ئه‌نجامدانا پرۆژان دا كر.
د كومبوونێ دا ، پازده پێشنیازێن لژنێ هاتنه په‌سه‌ندكرن سه‌باره‌ت چاره‌كرنا پرۆژێن ئاكنجیبوونێ، هه‌روه‌سا بریار هاته دان كونفرانسه‌ك بۆ پێداچوونێ د سیاسه‌ت و ستراتیژیه‌تا وه‌به‌رهێنانێ ل هه‌رێما كوردستانێ دا بهێته كرن، هه‌روه‌سا بریار هاته دان، لژنه‌یه‌ك بۆ دانانا پیڤه‌ران بۆ پرۆژان بهێته كرن كو داخوازا موله‌تان كریه ب تایبه‌ت پرۆژێن ل قه‌زا و ناحیان كو پێدڤى ب هاندانا پتر هه‌یه.