جڤاتا شورايا هه‌رێمێ هه‌لويستێ خوه ل دۆر قانوونا تيرۆرێ راگه‌هاند
ئه‌ڤرۆ نيوز:
جڤاتا شورايا هه‌رێما كوردستانێ ده‌رباره‌ى قانوونا روو ب رووبووونا تيرۆرێ و قانوونا ب كرێدانا خانيان، هه‌لويستێ خوه راگه‌هاند و چو ژ هه‌ردوكان درێژ نه‌كرن.
جڤاتا شوورايا هه‌رێمێ بڕيار دا ل جهێ وان هه‌ردو قانوونان، قانوونا روو ب رووبوونا تيرۆرێ يا ژماره 111 يا سزايێن عيراقێ ل سالا 1969ێ و بۆ قانوونا كرێدانا خانيان، قانوونا ژماره 87 يا سالا 1979ێ يێن عيراقى بهێنه ب كارئينان.
قانوونا ژماره سێ يا روو ب رووبوونا تيرۆرێ يا هه‌رێما كوردستانێ ژ 18 مادان پێكهاتيه و ل 3ى نيسانا 2016ێ ژ لايێ په‌رله‌مانێ كوردستانێ ڤه هاتيه په‌سه‌ند كرن و سێ جاران ماوێ وێ بۆ دو سالان هاتيه درێژكرن، ڤێ جارێ ل سه‌ر داخوازيا شه‌ش فراكسيۆنێن ناڤا په‌رله‌مانێ كوردستانێ “ئێكه‌تى، گۆڕان، ئێكگرتوو، شيوعى، كۆمه‌ل و بزاڤا ئيسلامى” نه‌هاته درێژكرن و خواست كار ب قانوونا 111 يا سزايێن عيراقى بهێته كرن.
