جڤاتا مووسلێ: ئەم ناخوازن شەرێ رزگارکرنا مووسلێ بھێتە راوەستاندن

ئه‌ڤرۆ نيوز:

سەرۆکێ کۆتلا برایەتی و پێکڤەژیانێ ل جڤاتا پارێزگەھا مووسلێ دیار کر پێدڤیە لەز د رزگارکرنا مووسلێ دا بھێتە کرن و ھەتا نوکە ب پتر ژ 25% مووسل ھاتیە کونترۆلکرن دگەل ھەموو دەشتا مووسل نوکە دبن دەستھەلاتا پێشمەرگەی کوردستانێ دایە، ل ھەمان دەمی ھێزێن ھەڤپەیمانان بزاڤێ دکەن ژبەر وەلاتین سڤیل شەرێ مووسل راوەستینن و ئالیاتا شەری بگوھۆرن.
سەیدو چەتۆ، سەرۆکێ کۆتلا برایەتی و پێکڤەژیانێ ل جڤاتا پارێزگەھا نەینەوا دیار کر کو جڤاتا پارێزگەھا نەینەوا دگەل دایە شەر بەردەوام بیت و بلەزتر شەرێ ئازادکرنا مووسلێ بھێتە کرن، چونکی چەند شەر گیرو بیت وێرانکاری زێدەتر دبیت ل مووسلێ و گۆت “ئەم ناخوازن شەرێ رزگارکرنا مووسلێ بھێتە راوەستاندن و بەردەوام سوپایی عیراقی و حەشدا شەعبی ب پشتەڤانیا ھەڤپەیمانان و ھەرێما کوردستانێ یێ د پێشڤەچوونی دانە و ل ھندەک گەرەکێن مووسل شەڕ یێ بەردەوامە بۆ ژناڤبرنا تیرۆرستێن داعش”.
سەرۆکێ کۆتلا برایەتی و پێکڤەژیانێ ل جڤاتا پارێزگەھا نەینەوا خویا ژی کر پێدڤیە میکانزما شەرێ رزگارکرنا مووسلێ بھێتە گوھۆرێن، لێ شەر نەراوەستیت و یێ بەردەوام بیت و میکانزمەک بھێتە دانان کو زیان نەگەھتە وەلاتیێن سڤیل و گۆت “دێ ب فەرمی داخوازێ ژ بەغدا کەین بەردەوامی ب شەرێ رزگارکرنا مووسل بھێتە دان”.

کۆمێنتا تە