جڤاتا ناحیا زومار ژ حوکمەتا عیراقی بێ ھیڤی بوویە
ئه‌ڤرۆ نيوز:
سەرۆکێ جڤاتا ناحیا زومار ئەحمەد مەلا حسێن بۆ ئەڤرۆ دیار کر کو بارێ ئابووری یێ خودانێن وان ٣٠٠ خانین ھاتینە پەقاندن گەلەکێ نەباشە و ھەکە ھاریکاریا وان نەھێتە کرن نەشێن بۆ خوە خانیان ئاڤا بکەن و بزڤرنە دەڤەرێ و حکومەتا عیراقێ ژی ھێشتا چو نەکریە و ئەم ژێ بێ ھیڤی بووینە ژبەر ڤێ چەندێ ژ داخوازێ ژ حکومەتا ھەرێما کوردستانێ دکەین دەستی ھاریکاریێ بۆ وان وەلاتیان درێژ بکەت دا کو بشێن بۆ خوە خانیان ئاڤا بکەن و بزڤرنە زومار.
ئەحمەد مەلا حسێن سەرۆکێ جڤاتا ناحیا زومار دیار کر کو رێکخراوا تیرورستی یا داعشی ٣٠٠ خانی ل زومار پەقاندبوون و بتنێ خودان ڤان خانیێن پەقاندنی ھەتا نوکە نەشیاینە ڤەگەرنە ناحیا زوما، چونکی ھەکە ڤەگەرن ژی یا ب زەحمەتە جھەکێ ئاکنجیبوونێ بۆ وان بھێتە دابینکرن و بارێ ئابووری یێ وان ب خوە ژی یێ لاوازە و نەشێن دووبارە خانیێن خوە ئاڤا بکەن و گۆت:” ھەتا نوکە حکومەتا عیراقێ بۆ قەرەبووکرنا زیانڤیکەڤتیان چو پێنگاڤ نەھاڤێتینە ژبەر ڤێ چەندێ ئەم داخوازێ ژ حوکمەتا ھەرێما کوردستانێ دکەین دەستێ ھاریکاریێ بۆ ڤان خیزانان درێژ بکەت دا کو بشین بۆ خوە خانیان ئاڤا بکەن”.
ناڤبری ئاشکرا کر کو حوکمەتا ھەرێما کوردستانێ ژ ھەموو دەڤەرێن رزگاری ھەتا نوکە کارەب بۆ زومار یا دابینکری و ئاڤ ژی یا ھەی و ب رێژا ٩٥% خەلکێ زومار یێ ڤەگەریای بتنی ئەو خێزان نە ڤەگەریاینە یێن کوخانێن وان ھاتینە پەقاندن.
