جڤاتا نوونه‌ران دێ ده‌نگى ل سه‌ر بڕيارێن حوكمه‌تێ ده‌ت
ئه‌ڤرۆ نيوز:
ئه‌ڤرۆ رۆژا سێشه‌مبى جڤاتا نوونه‌رێن عيراقێ دێ كۆم بيت و ده‌نگ ل سه‌ر بڕيار و راسپاردێن چاكسازيێ ده‌ت كو ژ لايێ جڤاتا نوونه‌ران و حوكمه‌تێ بڕيار ل دۆر دايه.
د. به‌شير حه‌داد، جێگرێ سه‌رۆكێ جڤاتا نوونه‌ران د راگه‌هاندنه‌كێ دا، سه‌رۆكاتيا په‌رله‌مانى ل رۆژا سێشه‌مبى ژى دێ كۆمبيت ب مه‌ره‌ما گه‌نگه‌شه‌كرنا داخوازيێن خوه‌نيشانده‌ران.
جێگرێ سه‌رۆكێ جڤاتا نوونه‌ران ئاماژه ب وێ چه‌ندێ ژى كر كو د كۆمبوونێ دا، هاندانا فراكسيۆنێن جڤاتا نوونه‌ران كريه كو كۆمبوونێ ل رۆژا سێشه‌مبى بكه‌ن و پتريا فراكسيۆنان ئاماده‌يا خوه ده‌ربڕى يه.
ب گۆره‌يى پێزانينێن ئه‌ڤرۆ نيوز فراكسيۆنێن كوردستانى ژى دێ پشكدارى روونشتنا ئه‌ڤرۆ يا جڤاتا نوونه‌رێن عيراقێ كه‌ن ب مه‌ره‌ما پشته‌ڤانيكرن ل داخوازيێن خوه‌نيشانده‌ران و چاره‌كرنا كێشێن وان.
