جڤاتا نوونه‌ران پێنج وه‌زير په‌سه‌ند كرن و ئێك ره‌تكر
ئه‌ڤرۆ نيوز:
جڤاتا نوونه‌رێن عيراقێ د روونشتنا ئه‌ڤرۆ يا خوه دا ب ئاماده‌بوونا حه‌يده‌ر عه‌بادى سه‌رۆك وه‌زيرێن عيراقێ، پێنج وه‌زيرێن نوو يێن پێشنيازكرى يێن عه‌بادى په‌سه‌ندكرن و كانديده‌ك ژى ره‌تكر.
د روونشتنا ئه‌ڤرۆ يا جڤاتا نوونه‌رێن عيراقێ دا ب پتريا ده‌نگان عه‌لى عه‌بدولره‌زاق عيسا بۆ وه‌زيرێ خواندنا بلند و ڤه‌كولينێن زانستى، حه‌سه‌ن هادى جه‌نابى بۆ وه‌زيرێ ژێده‌رێن ئاڤێ، جه‌بار لعێبى بۆ وه‌زيرێ په‌ترۆلێ، كازم فنجان بۆ وه‌زيرێ ڤه‌گوهاستنێ و نافع ئوسى بۆ وه‌زيرێ ئاڤادانكرن و بنه‌جهكرنێ په‌سه‌ند كرن.
هه‌ر ديسا د روونشتنا ئه‌ڤرۆ دا يوسف ئه‌سه‌دى بۆ وه‌زيرێ بازرگانيێ عيراقێ نه‌شيا ده‌نگێن پێدڤى ب ده‌ست ڤه بينيت و هاته ره‌تكرن.