جڤاتا نوونه‌رێن عيراقێ ئه‌ڤرۆ دێ كۆم بيت
ئه‌ڤرۆ نيوز، نيوار محه‌مه‌د سه‌ليم:
بڕياره پشتى نيڤرۆ يا ئه‌ڤرۆ رۆژا شه‌مبى جڤاتا نوونه‌رێن عيراقێ كۆم ببيت، به‌لێ هه‌تا نها يا ديار نينه، فراكسيۆنێن كوردستانى دێ پشكدار بن يان نه.
كۆمبوونا جڤاتا نوونه‌ران بڕياره ل ده‌مژمێر 02:00 پشتى نيڤرۆ يا ئه‌ڤرۆ رۆژا شه‌مبى رێكه‌فتى 26ى چريا ئێكێ 2019 بهێته ئه‌نجام دان و فراكسيۆنێن كوردستانى ژى هێشتا بڕيارا پشكداريكرنێ نه‌دايه.
كۆمبوون يا تايبه‌ته ب داخوازيێن خوه‌نيشانده‌رێن باژێرێن عيراقێ و ب گۆره‌ى پێزانينان ژماره‌كا نوونه‌رێن كورد پشكداريێ تێدا ناكه‌ن.
هه‌ڤده‌م بڕياره د كۆمبوونا ئه‌ڤرۆ دا ئه‌نجامێن لژنا ڤه‌كۆلينێ د ئه‌گه‌رێن كرياريێن تۆندره‌ويێ دا ل دژى خۆنيشانده‌رێن پێشتر و كوشتنا وه‌لاتيان بهێنه دياركرن.
ده‌رباره‌ى هه‌لويستێ فراكسيۆنێن كوردستانى ل سه‌ر پشكداريكرن د كۆمبوونا ئه‌ڤرۆ دا، چاڤه‌رێ كاودانێن ئه‌منى دكه‌ن، هه‌كه كاودانێن ئه‌منى بنه‌جهـ نه‌بوون و خۆنيشاندان د به‌رده‌وام بوون، فراكسيۆنێن كوردستانى پشكدارى روونشتنێ نابن.
