جڤاتا نوونه‌رێن عيراقێ ئه‌ڤرۆ دێ كۆم بيت
ئه‌ڤرۆ نيوز:
بڕياره ئه‌ڤرۆ په‌رله‌مانێ عيراقێ كۆم ببيت و هێشتا سه‌رۆكاتيا جڤاتا نوونه‌ران به‌رنامێ كارى ئاشكه‌را نه‌كريه.
جڤاتا نوونه‌رێن عيراقێ 14ى ڤێ هه‌يڤێ ده‌ست ب روونشتنا كريه و چه‌ندين ته‌وه‌ر گه‌نگه‌شه‌كرينه و پاشان روونشتن هاتيه هه‌لگرتن بۆ رۆژا پێنجشه‌مى 16ى چريا دويێ 2017.
د وێ روونشتنێ دا يا كو 170 نوونه‌ر پشكدار بووين، ده‌نگ ل سه‌ر دوو پرۆژێن قانوونان هاته دان و دووماهى ب خواندنا پێنج پرۆژان ئينا.
هه‌ر د وێ روونشتنا جڤاتا نوونه‌ران دا داخواز ژ حوكمه‌تێ هاتبوو كرن گرنگيه‌كا ته‌مام بده‌ته ده‌ڤه‌رێن تووشى كاره‌ساتا ئه‌ردهه‌ژا شه‌ڤا ئێكشه‌مبى بووين كو چه‌ند ده‌ڤه‌رێن هه‌رێما كوردستانێ و عيراقێ ژى ڤه‌گرتبوون.
دوهى د به‌ياننامه‌كێ دا فراكسيۆنا پارتى ديموكراتى كوردستان ل جڤاتا نوونه‌رێن عيراقێ راگه‌هاند كو ئه‌و دێ ڤه‌گه‌رنه به‌غدا و پشكداريێ د كۆمبوونێن جڤاتا نوونه‌رێن عيراقێ دا كه‌ن.