جڤاتا وه‌زيران بۆ ڤان چار پرسان دێ كۆم بيت
ئه‌ڤرۆ نيوز:
جڤاتا وه‌زيرێن هه‌رێما كوردستانێ ده‌مژمێر 10ى رۆژا سێشه‌مبى 22ى چريا دويێ 2016 بۆ چار پرسێن سه‌ره‌كى دێ كۆم بيت.
محه‌مه‌د هاوديانى، وه‌زيرێ كار و كاروبارێن جڤاكى بۆ رووداو ئاشكه‌را كر كو جڤاتا وه‌زيرێن حوكمه‌تا هه‌رێما كوردستانێ دێ ل دۆر پرسێن دووماهى پێشهاتێن به‌ره‌يێن شه‌رى و روو ب روونا داعش و خواندنا راپۆرتا كاودانێن ئابوورى يێن هه‌رێما كوردستانێ و پێشنياز و داخوازيێن جڤاتا بلندا كاروبارێن خانمان و شرۆڤه‌كرنا راپۆرتا وه‌زيرێ باژێرڤانى و گه‌شتوگۆزار ده‌رباره‌ى رێكخستنا خه‌رجى و داهاتى كۆم بيت.
د حاله‌تێ ئاسايى دا جڤاتا وه‌زيران ل هه‌رێما كوردستانێ دو حه‌فتيان جاره‌كێ ب سه‌رپه‌رشتيا نێچيرڤان بارزانى ل باژێرێ هه‌ولێرێ كۆم دبيت.
