جڤاتا وه‌زیرێن عیراقێ دەربارەی پێشێلکاریێن توركیا ل عێراقێ كۆمبوو
ئەڤرۆ نیوز ، زنار تۆڤی:
سه‌رۆك وه‌زیرێن عیراقا فیدرال و جڤاتا وه‌زیران ل دۆر بنپێكاریێن توركیا ل سه‌ر ئاخا عیراقێ و پاراستنا ئێمناهی و سه‌روه‌ریا ڤی وەلاتی كۆم بوون.
حه‌یده‌ر عه‌بادی سەرۆک وەزیرێن عیراقێ ل گه‌ل هێزێن ئێمناهیێ و وه‌زاره‌تێن به‌رگری و پاسه‌وانێن سنۆری ل دۆر بنپێکاری و زێدەگاڤیێن تورکیا ل سەر ئاخا عیراقێ کۆمبوون و چه‌ندین بریارێن تایبه‌ت ب پاراستن و ئێمناهی و سه‌روه‌ریا عیراقێ دان و داخوازا بکارئینانا رێکێن دبلۆماسی ژ بۆ راوه‌ستاندنا بنپێکاریێن تورکیا و ئێکلاکرنا کێشه‌یان کر.
د لایه‌كێ دی یێ كۆمبوونێ دا بەحس ل ئێمناهیا وه‌لاتی و پلانێن هه‌والگێریێ ژ بۆ نه‌هێلانا شانێن نڤستی یێن داعشێ كرن، دوپات ژی كر، هێرشێن وان ل دژی داعشێ د به‌رده‌وامن هەتا ب ته‌مامی دهێنه ژ ناڤ برن.