جڤاتا وەزیرێن ھەرێمێ ئەڤرۆ دێ چار تەوەران د کۆمبوونا خوە دا گەنگەشەکەت
ئەڤرۆ نيوز:
سەرۆکێ فەرمانگەھا ھەماھەنگی و دووڤچوونان ل جڤاتا وەزیرێن ھەرێما کوردستانێ راگەھاند، کو ئەڤرۆ جڤاتا وەزیرێن ھەرێما کوردستانێ دێ کۆمبوونەکا ئاسایی ل سەر چار تەوەران ئەنجام دەت.
دکتۆر نووری عوسمان بۆ مالپەرێ فەرمیێ پارتی گۆت: د کۆمبوونێ دا دێ بەحس ل رێنمایێن تاپوکرنا سنوورنێن گوندان یێن کەفتینە سەر ماستەرپلانێن باژێرڤانیان و رەوشا خواندنا بلند و رێکخستن و ھەڤکاری یا زەمالەیێن خواندنێ ھێتە کرن.
دکتۆر نووری ئاشکرا ژی کر، کو د کۆمبوونێ دا دانوستاندن ل دۆر دامەزراندنا رێڤەبەریەکێ بۆ برێڤەبرنا قەرێن گشتی ژ ئالیێ وەزارەتا دارایی ڤە ھاتێە کرن و راپۆرتەک ژی ل دۆر رەوشا ژینگەھا ھەرێمێ دێ ھێتە پێشکێشکرن.
