جۆرجیا پەیوەندیێن خوە ل گەل سۆریا بڕین
ئەڤرۆ نیوز، فاتما مزووری:
رۆژا سێشەمبێ کۆمارا جۆرجیا کو ئێک ژ کۆمارێن ئێکەتیا سۆڤیەت یا بەرێ بوو، پەیوەندیێن خوە یێن دبلوماسی ل گەل سوریا برین پشتی کو سوریا دان ب سەرخوەبوونا ھەردو ھەرێمێن ئەبخازیا و ئۆسیتا یا باشوور یێن سەر ب جۆرجیا ڤە داین، کو ب پشتەڤانیا روسیا ھەردو ھەرێمان سەرخوەبوونا خوە راگەھاندی.
وەزارەتا دەرڤە یا جۆرجیا دەربارێ ڤی یەکێ راگەھاند کو پێنگاڤێن پێدڤی ژبۆ قوتکرنا پەیوەندیێن دیبلوماسی ل گەل سۆریا دەست پێ کرینە.
د داخویانیەکێ دا وەزارەتا دەرڤە یا جۆرجیا ئاشکەرا کر کو برینا پەیوەندیان پشتی وێ یەکێ ھات کو سۆریا دان ب سەرخوەبوونا ئەبخازیا و ئۆسیتا یا باشوور کرین، جھێ ئاماژێ یە سالا 2008ێ روسیا دان ب سەرخوەبوونا وان ھەردو ھەرێمان دابوو، د دەمەکێ دا جۆرجیا دخوا‌ست ب ھێزێ وان دو ھەرێمان کۆنترۆل بکەت.
نھا ژی سۆریا دان ب سەرخوەبوونا ھەردو ھەرێمان دا و بریار دا بالیۆزان ل وان ھەردو ھەرێمان بدانن.
