جۆن مەكین:ئیرانێ دڤێت ناكۆكیێن زێدەتر بێخیتە دناڤبەرا بەغدا و ھەولێرێ دا
ئەڤرۆ نیۆز،زنار تۆڤی:
جۆن مه‌كین مەزنە سیناتۆرێ كۆماریان ل روونشتنەکا سیناتێن ئه‌مریكا دا یا تایبه‌ت ب سیاسه‌تێن ئه‌مریكا ڤە ل رۆژهه‌لاتا ناڤین،سه‌باره‌ت رۆلێ ئیرانێ ل داگیركرنا باژێرێ كه‌ركووكێ دا راگه‌هاند،تەهران ب رێیا قاسم سلێمانی دڤێت ناكۆكی و گرژیێن زێدەتر دناڤبەرا هەولێر و به‌غدا دا دروست بكەت و هه‌لبژارتنێن سالا داهاتی یێن عێراقێ ژی بكەته دەلیڤەک بۆ بەرفرەهكرنا هه‌ژموونا خۆ ل عێراقێ.
جۆن مه‌كین دبێژیت:رژدبوونا مە ل سه‌ر ژ‌ناڤبرنا داعشێ كارەكێ گرنگه،هەروەسا ئەمریکا راستییه‌كا تەحل ژی ڤەشارتیە،کو ئەو ژی ئه‌مریكا سیاسه‌تەكا روون و ئاشكرا نینه بۆ ئالۆزیێن رۆژهه‌لاتا ناڤین،کو ئەڤەژی پاشماوێ سیاسه‌تێن خەلەت یێن ئیدارا ئۆباماینه.
ناڤهاتی دیارکر ژی، به‌لێ د ماوێ ئێك سالێن سه‌رۆكا‌تیا ئیدارا تره‌مپی دا هێشتا رۆلێ ئه‌مریكا ل وێ دەڤەرێ دیار نینه و بێده‌نگی هه‌لبژارتیە ل عێراق و سووریێ،ئه‌ڤێ ژی وەكریه کو میلیشیات و گرووپێن توندره‌و وێ بۆشایێ پر بكه‌ن.
هەروەسا دبێژیت:ل عێراقێ هێزێن ئیرانێ ل هه‌ولا تێكدانا تەڤایا وی وەلاتی دانە،هه‌ر وه‌كو چاوا ل ڤێ دوماهیێ دا ل كه‌ركووكێ مە دیت کو ل وێرێ هەبوونا سوپایێ قودسا ئیرانی و فه‌رمانده‌یێ وی سوپایی قاسم سلێمانی كاركریە بۆ دروستكرنا ناكۆكیێن دناڤبەرا كوردان و حوکمه‌تا به‌غدا دا،دیسا گرووپێن میلیشیاتێن ئیرانێ د به‌رده‌وامن ل بەرفرەهکرنا ده‌ستهەلاتێن خۆ ل عێراقێ و وان دڤێت ل هەلبژارتنێن سالا داهاتی ل وی وەلاتی، بكه‌نە دەلیڤەک بۆ زێدەتر لاوازكرنا پێگه‌هێ ئه‌مریكا ل وی وەلاتی.
