جۆن کێری ئاستەنگیان بۆ پۆمپیۆ دروست دکەت
ئەڤرۆ نيوز:
ل گۆر راپۆرتەکا رۆژناما واشنتۆن پۆست یا ئەمریکی ھەر چەندە جۆن کێری ل سەر کاری نەمایە لێ پشتی کو ترامپ وەکو سەرۆکێ ئەمریکا دەست ب کاری کری و خوە ژ رێککەفتنا ئەتۆمی یا ل گەل ئیرانێ ڤەکێشای ژی دیسان جۆن کێری ل گەل بەرپرسێن ئیرانێ ل نەرویج و ئەلمانیا کۆمبوون کرینە و پشتەڤانیا خوە بۆ رێککەفتنا ئەتۆمی دیار کریە، ژ بەر ڤێ یەکێ ژی وەزیرێ نھا یێ دەرڤە یێ ئەمریکا مایک پۆمپیۆ توورە بوویە و داخوازا دادگەھکرنا جۆن کێری دکەت.
ئەو یەک د دەمەکێ دایە کو بەری نھا جۆن کێری دیار کربوو وی بەری نھا ژی گەلەک بزاڤ کربوون کو نەھێلیت رێککەفتنا ئەتۆمی یا ل گەل ئیرانێ ژناڤ بچیت، چونکو ئەو یەک د بەرژەوەندیا ئەمریکا دا نینە و مایک پۆمپیۆ د ڤێ دەربارێ دا دیار کر کو جارا ئێکێ یە ل دیرۆکا ئەمریکا تشتەک وەسا روو بدەت، کێری ل سەر کاری نینە و نابیت دەستێوەردانێ د کاروبارێ حوکمەتێ دا بکەت و ئەو یەک شەرمزاریەکا مەزنە بۆ ئەمریکا و دڤێت کێری بھێتە دادگەھکرن.
