جێگری به‌ڕێوه‌به‌ری ته‌ندروستی: سلێمانی مه‌ترسی كۆرۆنای تێ نه‌په‌ڕاندوه
ئه‌ڤرۆ نیۆز، عه‌زیز هه‌ورامی:
له پاش ئه‌وه‌ی پارێزگای سلێمانی ڕای گه‌یاند، دۆخی سلێمانی ئاسایی ده‌كه‌نه‌وه ، جێگری به‌ڕێوه‌به‌ری گشتی ته‌ندروستی سلێمانی ده‌ڵێ، هیچ شوێنێك مه‌ترسی كۆرۆنای تێنه‌په‌ڕاندووه، به‌پێ ڕێنمایی و قۆناخ به‌قۆناخ كار له‌سه‌ر ئاسایی كردنه‌وه‌ی سلێمانی ده‌كه‌ین.
هێرش سه‌ید سه‌لیم، جێگری به‌ڕێوه‌به‌ری گشتی ته‌ندروستی سلێمانی بۆ ئه‌ڤرۆ نیۆز ده‌ڵێ:” پارێزگای سلێمانی مه‌ترسییه‌كانی كۆرۆنای تێنه‌په‌ڕاندووه، ئه‌وه‌ی هه‌ییه ڕه‌وشه‌كه له سه‌ره‌تا ئێستا باشتره، ئێمه ده‌ڵێن، به‌سێ قۆناخ دۆخی سلێمانی ده‌تواندرێت ئاسایی بكرێته‌وه هه‌نگاوی یه‌كه‌م، ئه‌و شوێنانه‌ی زۆر پێویست بۆ هاوڵاتی ده‌كرێنه‌وه له سلێمانی.
ئاماژه‌ی به‌وه‌كرد بازاڕ و مزگه‌وت و قوتابخانه‌كان كردنه‌وه‌یان ده‌كه‌وێته پاش 15ی 5ی مانگی داهاتوو ئه‌گه‌ر هاتوو ڕه‌وشه‌كه به‌ره‌و باشتر ڕۆشت، ئێمه پێشنیارمانكردووه بۆ پارێزگای سلێمانی به سێ قۆناخ ڕه‌وشی ئاسایی بكرێته‌وه.
ناوبراو ده‌ڵێ، ده‌بێت هاوڵاتیان له قۆناخی سه‌ره‌تای ئاسایی كردنه‌وه‌ی سلێمانی پابه‌ندی ڕێنماییه‌كانبن نابێت هیچ هاوڵاتێك به بێ ماسك و ده‌ستكێش بێته ده‌ره‌وه.
