جێگرێ پارێزگارێ دهۆكێ: پێدڤیه مێژوویا گه‌لێ مه ب رێیا پرتووكان بهێته پاراستن
ئه‌ڤرۆ:
ب ئاماده‌بوونا ماجد سه‌ید سالح، جێگرێ پارێزگارێ دهۆكێ بۆ كاروبارێن ته‌كنیكی و چه‌ند به‌رپرسێن حزبی و ئیداری و ره‌وشه‌نبیر و نڤیسه‌ران دوهی 5/12/2022 ل هولا سه‌نته‌رێ پێشمه‌رگه پرتووكا نوو یا نڤیسه‌ر (خالد ئه‌حمه‌د بادی) ل ژێر ناڤێ (كورد و ئاواره‌بوون) هاته ئیمزاكرن و به‌لاڤكرن.
درێوره‌سمێن ئیمزاكرنا پرتووكێ دا جێگرێ پارێزگارێ دهۆكێ بۆ كاروبارێن ته‌كنیكی د په‌یڤه‌كێ دا گرنگیا نڤیسینا پرووتكان ل دۆر مێژوویا گه‌لێ كورد و كوردستانێ و ئه‌و ده‌رده‌سه‌ریێن ب سه‌ر گه‌لێ كوردا دا هاتین به‌رچاڤكر و گوت: “مه وه‌كو خه‌لكێ كوردستانێ گه‌له‌ك ئاواره‌یی و ده‌رده‌سه‌ری دیتی نه و یا فه‌ره ب رێكا ڤان جۆره پرتووكان ئه‌و مێژوویا پڕی نه‌خوشی و نه‌هامه‌تی بهێته دیكیومه‌نتكرن و نڤشێ نوو ل سه‌ر بهێته ئاگه‌هدار كرن و بناڤێ د. عه‌لی ته‌ته‌ر، پارێزگارێ دهۆكێ و كارگێریا پارێزگه‌هێ ده‌ستخوشی ل نڤیسه‌ری كر و پشته‌ڤانیا پارێزگه‌هێ بۆ چاپكرنا ڤان جۆره پرتووكێن گرێدای ب خه‌بات و دیرۆكا ملله‌تێ كورد ڤه دیار كر.
پاشی نڤیسه‌رێ پرتووكێ (خالد ئه‌حمه‌د بادی) بۆ به‌رهه‌ڤبوویان رۆهنكرن دانه سه‌ر ناڤه‌رۆكا پرتووكا خوه و هوكارێن ئاواره‌بوونێ به‌رچاڤكرن و گۆت: “نڤیسینا پرتووكێ ژ بۆ دیكیومنتكرن و پاراستنا دیرۆكا نه‌ته‌وه‌یی یه و خزمه‌تكرنا گه‌ل و وه‌لاتی یه”.
