جەبار یاوەر بۆ ئەڤرۆ نیۆز بەحسێ ئوپەراسیۆنا ل گەل حەشدا شەعبی دکەت
ئەڤرۆ نیۆز، سالار دۆسکی:
ئەمیندارێ گشتیێ وەزارەتا پێشمەرگەی ل حوکمەتا ھەرێما کوردستانێ ئەو نووچە ب درەو دەرخست کو پێشمەرگێ کوردستانێ دێ ل گەل حەشدا شەعبی ل دەڤەرێن دوزخورماتور ئوپراسیوونەکا ھەڤپشک ئەنجام دەن.
جەبار یاوەر ئەمیندارێ گشتیێ وەزارەتا پێشمەرگەی ل حوکمەتا ھەرێما کوردستانێ، ئەڤرۆ رۆژا شەمبی رێکەفتی ١٦/١٢/٢٠١٧ بۆ مالپەرێ ئەڤرۆ نیۆز گۆت: چ تشتێ فەرمی بڤی رەنگی نینە کو پێشمەرگە دێ ل گەل حەشدا شەعبی ئوپراسیوونەکێ ل دژی چەکدارێن داعش ل دەردورێن دوزخورماتور ئەنجام دەت، ئەڤە دەمەکی دایە دوھی مەھدی تەقی فەرماندێ لیوا ٥٢ یا حەشدا شەعبی د داخویانیەکا رۆژنامەڤانی دا دیارکر بوو کو دێ ل گەل پێشمەرگێ کوردستانێ ئوپراسیوونەکێ ل دەردورێن قەزا دوزخورماتور دژی چەکدارێن داعش ئەنجام دەن.
ھەمان فەرماندێ حەشدا شەعبی ئەوژی ئاشکراکر بوو کو رۆژێن بوری توبارانکرن ل سەر دوزخورماتور ھاتبووکرن و زیانێن گیانی ل پشست خوە ھێلا بوون.
