جەبار یاوەر نۆچەیەکێ ل دۆر پشمەرکەیێ ل کۆبانێ رەت دکه‌ت
ئەڤرۆ نیوز، چەکدار ئەترووشی:
پشتی بەلاڤبوونا دەنگوباسەکی ژ لایێ ھندەک مالپەر و دەزگەھێن راگەھاندنێ کو دیارکر بۆ پێشمەرگەیێ کوردستانێ ئەڤێن ل کۆبانێ یێن ژەھراوی بووین و کۆژمەکێ پارەی ژێ دھێتە وەرگرتن بۆ خوارنی، ئەمیندارێ گشتێ یێ وەزارەتا پێشمەرگەیی ئەڤ نوچەیه رەتکر.
جەبار یاوەر ئەمیندارێ گشتی یێ وەزارەتا پێشمەرگەیێ کوردستانێ دیارکر کو چو راستی بۆ نینن و گۆت: “ھەتا نوکە چو بروسکە یان چو نڤیسینێن فەرمی بۆ مە نەھاتینە کو ئاماژە ب وێ چەندێ بکەت”.
دیسا یاوەر ئەو چەندە ژی دیارکر کو ئەم پشتبەستنێ ب نڤیسنێن فەرمی دکەن و گوت: “ئەم ھەر دەقیقەیەکێ ل گەل ھێزێن خوەینە یێن ل کوبانێ و ھەتا نوکە ب فەرمی ئەم نەھاتینە ئاگەھدارکرن کو کارەکێ وەسا روودایە”.
ئەمیندارێ گشتی دیارکر وەگرتنا پارەیی ژی یا بێ بنەمایە و گۆت: “د بنیات دا دەنگوباسێ وەرگرتنا پارەی ژ پێشمەرگەیی بۆ خوارنێ یان ھەر تشتەکێ دی یێ دوورە ژ راستیێ و چو بنەما بو نینە”.
