جەبار یاوەر: چو کومبوون و رونشتنێن فەرمی ل گەل بەغدا مە نەکرینە
ئەڤرۆ نيوز:
فەریق جەبار یاوەر ئەمیندارێ گشتیێ وەزارەتا پێشمەرەگەی بۆ رۆژناما ئەڤرۆ گۆت: ھەتا نوکە چو کومبوون و رونشتن و ئاخفتن د ناڤبەرا ھەر دو حوکمتێن عیراقێ و ھەرێما کوردستانێ دا نەھاتینە ئەنجامدان ، ل سەر ھنارتنا پێشمەرگەی بۆ دەڤەرێن مادێ 140 وەک وەزارەتا پێشمەرگەی ھێشتا چو رونشتن نەھاتینە کرن د ناڤبەرا مە ھەر دو حوکمەتان دا ل سەر پێشمەرگەی.
جەبار یاوە گۆت: ھەر دەمێ سەرۆکاتیا ئەنجوومەنێ وەزیران فەرمانا کۆمبوونێ ل گەل وەزارەتا بەرەڤانیا عیراقێ دا دێ کومبوونێ ئەنجام دەین.
ئەمیندارێ گشتیێ وەزارەتا پێشمەرگەی ئەو ژی گۆت: ھێزێن ھەڤپەیمانان دووماھی ب ئوپراسیونێن خوە یێن مەزن ئینایە
ھێشتا گۆت: ھەتا نوکە پشتەڤانیا ھێزێن پێشمەرگەی بەردەوامە و ھەر چ تشت کێم ژی نەکرینە، گەلەک وەلاتێن ئورۆپا پشتەڤانیا پێشمەرگێ کوردستانێ دکەن، لێ ئەو وەلاتێن نوونەراتی ھەین 13 وەلاتن و پشتەڤانیا پێشمەرگە دکەن و ب ھموو شێواز ب چەکی و پێدڤی و مەشق و راھێنان.
ئەو چەندە ژی ئاشکرا کر، نوکە پێَشمەرگێن بریندار بۆ دەرڤەی وەلاتی ناھێنە ھنارتن چونکە دشیانێن حوکمەتێ دا نینە پێشمەرگێ بریندار بۆ چارەسەریا دەرڤەی وەلاتی بھێتە ھنارتن.