جەعفەر ئێمينکی:په‌رله‌مان دێ ده‌مێ نه‌مانا پاشكه‌فتا مووچه‌ى دياركه‌ت
ئه‌ڤرۆنيوز:
جێگرێ سەرۆكێ پەرلەمانێ كوردستانێ راگه‌هاند بۆ دانوستاندنێ ل سه‌ر پرۆژێ چاكسازيێ سوباهى دێ په‌رله‌مانێ كوردستانێ كۆمبيت وپاشى دێ ده‌مه‌كى بۆ نه‌مانا پاشكه‌فتا مووچێ فه‌رمانبه‌ران دياركه‌ت
جەعفەر ئێمينکی، جێگرێ سه‌رۆكێ په‌رله‌مانێ كوردستانێ دكۆنگره‌كێ رۆژنامه‌ڤانى دا گۆت” دێ روونشتنه‌كا ئاسايى يا په‌رله‌مانى بۆ دانوستاندنێ ل دۆر پرۆژێ قانوونا چاكسازيێ دمووچه‌ى وخانه‌نه‌نشينيێ دا هێته ئه‌نجامدان وهيڤيدارين دوێ روونشتنێ دا بشێين وێ قانوونێ په‌سه‌ند بكه‌ين”.
ئێمينكى گۆت ژى” حوكمه‌تا هه‌رێما كوردستانێ بۆچوونا خوه ل سه‌ر وى پرۆژه‌ى يا دياركرى، مه ژى وه‌كو ده‌سته‌يا سه‌رۆكاتيا په‌رله‌مانى ماده يێن دياركرين ، له‌وما پشت راستم كۆمبوونا سوباهى دێ ب سه‌ركه‌فتيانه هێته ئه‌نجامدان”.
جێگرێ سه‌رۆكێ په‌رله‌مانى دياركر ژى” وى بابه‌تى پێشتر كێشه ل سه‌ر هه‌بوو، ده‌مێ كه‌فتيه به‌ر هه‌وا هه‌لبژارتنان وموزايه‌ده خرابتر ژى بوو، دبيت پشكه‌ك ژ شاشيان يێن مه ژى بن وه‌كو ئه‌ندامێن په‌رله‌مانى، هه‌ستياريا ره‌وشا هه‌رێما كوردستانێ ل به‌رچاڤ نه‌هاته وه‌رگرتن، تاكو وه‌لێهات پرۆژه گيرو ببيت”.
راگه‌هاند ژى” پشتى په‌سه‌ندكرنا پرۆژێ قانوونا چاكسازيێ، دبيت ده‌مه‌ك بۆ ئاخڤتنێ ل سه‌ر نه‌مانا پاشكه‌فتا مووچان ديار بكه‌ين وپاشكه‌فتا مووچێ فه‌رمانبه‌ران نه‌مينيت”.