جەماوەرێ سنوورێ لقێ ئێكێ پارتی ل دهۆكێ و سێمێلێ سەرا مەزارێ نەمران دا
بۆ نووكرنا سۆز و پەیمانان و بەردەوامیدان ل سەر رێبازا بارزانیێ نەمر، دوهی رۆژا دوشەمبی 22/4/2024 جەماوەرێ سنوورێ لقێ ئێك یێ پارتی دیموكراتی كوردستان ل دەڤەرداریێن دهۆكێ و سێمێلێ و دەوروبەران ب هەموو تەخ و چینێن جڤاكی سەرا مەزارێ نەمران ل بارزان دا و ژ لایێ شێخ خەلات بارزانی، نوونەرێ سەرۆك مەسعود بارزانی پێشوازی لێ هاتەكرن.
پاشی سەربەست لەزگین، ئەندامێ مەكتەبا سیاسی و بەرپرسێ مەكتەبا رێكخستنا پارتی ل پارێزگەها دهۆكێ و د. عەلی تەتەر، پارێزگارێ دهۆكێ و د. نەوزاد عەبدوللا، بەرپرسێ لقێ ئێك بناڤێ جەماوەرێ بەرهەڤبووی تاجەگول دانانە سەر مەزارێ نەمران و فاتیحە ل سەر گیانێ وان و هەموو شەهیدێن كوردستانێ خواند.
هەر بڤێ هەلكەفتێ سەربەست لەزگین، بەرپرسێ مەكتەبا رێكخستنا پارتی ل پارێزگەها دهۆكێ پەیڤەك پێشكێش كر و سوپاسیا جەماوەرێ سنوورێ لقێ ئێك كر و بناڤێ جەماوەری سۆز و پەیمان نووكرن، كو بەردەوامیێ بدەنە ڤێ رێبازا پیرۆز.
